ພວຕ ແຂວງບໍ່ແກ້ວ ຮ່ວມກັບ ລັດວິສາຫະກິດນໍ້າມັນເຊື້ອໄຟລາວ ສາຂາແຂວງບໍ່ແກ້ວ ຈັດພິທີ ກວດສອບຄຸນນະພາບນໍ້າມັນຂຶ້ນ Print
Written by Administrator   
Tuesday, 06 March 2018 09:40

ໃນຕອນບາຍ ຂອງວັນທີ 5 ມີນາ 2018 ຂະແໜງ ຊັບສີນທາງປັນຍາ ມາດຕະຖານ ແລະ ວັດແທກ ພະແນກ ວິທະຍາສສາດ ແລະ ເຕັກໂນໂລຊີແຂວງບໍ່ແກ້ວ ຮ່ວມກັບ ລັດວິສາຫະກິດນໍ້ມັນເຊື້ອໄຟລາວ ສາຂາແຂວງບໍ່ແກ້ວ ໄດ້ຈັດພິທີ ກວດກາຄຸນນະພາບນໍ້າມັນຂຶ້ນ. ໂດຍການເຂົ້າຮ່ວມ ຂອງທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ທ່ານ ສຸລິຍົງຍາ ຫົວໜ້າ ສາຂານໍ້າມັນເຊື້ອໄຟລາວ ສາຂາແຂວງບໍ່ແກ້ວ; ໃນພິທີໄດ້ເຊື້ອເຊີນເອົາຕ່າງໜ້າ ພະແນກການທີ່ກ່ຽວຂອງ ແລະ ພະນັກງານ ວິຊາການ ເຂົ້າຮ່ວມ.

ການຈັດພິທີກວດກາ ກວດສອບຄຸນນະພາບນໍ້າມັນໃນຄັ້ງນີ້ ກໍ່ເພື່ອຕອບສະໜອງຄວາມຮຽກຕ້ອງການຂອງຜູ້ຊົມໃຊ້ ໃຫ້ໄດ້ໃຊ້ນໍ້າທີ່ດີມີຄຸນນະພາບ ຮັບປະກັນຄວາມປອດໄພ ລະຫວ່າງຜູ້ໃຊ້ຍານພາຫະນະ. ສໍາລັບແຂວງບໍ່ແກ້ວຂອງພວກເຮົາກໍ່ເປັນແຂວງໜື່ງ ທີ່ມີຊາຍແດນຕິດກັບ 3 ປະເທດ ເຊິ່ງເປັນອັດສ່ຽງສູງທີ່ຈະເກີດການລັກລອບຂົນສົ່ງນໍ້າມັນ ທີ່ບໍ່ໄດ້ມາດຕະຖານເຂົ້າມາຊົມໃຊ້ຢູ່ພາຍໃນ ເວົ້າລວມ; ເວົ້າສະເພາະ ແຂວງບໍ່ແກ້ວ, ດ້ວຍເຫດດັ່ງກ່າວ ພວກເຮົາຈື່ງໄດ້ສ້າງຕັ້ງ ຫ້ອງກວດຄຸນນະພາບນໍ້າມັນເຊົ້າໄຟ ຢຸ່ຂົວມິດຕະພາບ ແຫ່ງທີ່ 4 ຫ້ວຍຊາຍ-ຊຽງຂອງ, ເພື່ອເຮັດໜ້າທີ່ກວດກາ ກວດສອບນໍ້າມັນຜ່ານແດນ ແລະ ຊົມໃຊ້ພາຍໃນ; ນອກຈາກນີ້ເພື່ອຮັບປະກັນການລັກລອບ ແລະ ກວດຄຸນນະພາບໃຫ້ທົ່ວເຖິງ ພວກເຮົາໄດ້ນໍາໃຊ້ ລົດກວດຄຸນນະພາບນໍ້າມັນເຄື່ອນທີ່ ລົງກວດແຕ່ລະປໍ້າຈໍາໜ່າຍ ແລະ ແຕ່ລະສາງເກັບນໍ້າມັນ, ໂດຍມີວິຊາການ ທີ່ມາຈາກກະຊວງ ວິທະຍາສາດ ແລະ ເຕັກໂນໂລຊີ ແລະ ວິຊາການ ຈາກຫ້ອງກວດ ຄຸນນະພາບນໍ້າມັນດ້ວຍສົມທົບກັບ ວິຊາການ ພະແນກ ວິທະຍາສາດ ແລະ ເຕັກໂນໂລຊີ.

ໃນການລົງກວດກາ ທາງວິຊາການທີ່ກ່ຽວຂ້ອງໄດ້ອະທິບາຍ ແລະ ຈັດຕັ້ງປະຕິຕົວຈີງ ໃຫ້ຜູ້ເຂົ້າຮ່ວມໄດ້ເຫັນ ແລະ ຮັບຮູ້ພ້ອມທັງໃຫ້ການຢັ້ງຢືນຜົນກວດເພື່ອຮັບປະກັນການຈັດຕັງປະຕິບັດໄດ້ຮັບຜົນດີ.

  

  

ພາບ ແລະ ຂ່າວໂດຍ: ປະກາສິດ ທໍາມະວົງ 

Last Updated on Tuesday, 06 March 2018 10:18