ພວຕ ລົງໂຄສະນາເຜີຍແຜ່ ກົດໝາຍ ແລະ ນິຕິກໍາ ຢູ່ ເມືອງ ຕົ້ນເຜິ້ງ Print
Written by Administrator   
Monday, 12 February 2018 09:53

ວັນທີ 7 ກຸມພາ 2018 ທີ່ຜ່ານມານີ້ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວໄດ້ລົງເຄື່ອນໄຫວໂຄສະນາ ເຜີຍແຜ່ ກົດໝາຍ ແລະ ນິຕິກໍາ ຂອງວຽກງານ ວິທະຍາສາດ ແລະ ເຕັກໂນໂລຊີ ຢູ່ເມືອງຄືເມືອງຕົ້ນເຜິ້ງ, ໂດຍປະສານສົມທົບກັບ ຫ້ອງການ ແລະ ໜ່ວຍງານ ວິທະຍາສາດ ແລະ ເຕັກໂນໂລຊີ ຂັ້ນເມືອງ.

ໃນຕອນເຊົ້າຂອງວັນທີ່ 7  ໄດ້ຈັດກອງປະຊຸມເຜີຍ ແຜ່ກົດໝາຍ ແລະ ນິຕິກໍາ ຂອງວຽກງານ ວິທະຍາສາດ ແລະ ເຕັກໂນໂລຊີຂຶ້ນ ຢູ່ທີ່ສະໂມສອນເມືອງຕົ້ນເຜິ້ງ ກອງປະຊຸມໄດ້ດໍາເນີນເປັນເວລາ ຕອນ ແລະ ໄດ້ອັດລົງໂດຍໃຫ້ກຽດເປັນປະທ່ານກ່າວເປີດ ແລະ ກ່າວປິດຄັ້ງນີ້ ມີທ່ານ ສູນດາວັນ ບໍລະວົງ ຄະນະປະຈຳ ພັກເມືອງ ຮອງເຈົ້າເມືອງໆ ຕົ້ນເຜິ້ງ ແລະ ໃຫ້ກຽດເປັນປະທານຮ່ວມ ໂດຍ ທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງ,  ມີພະນັກງານການນໍາຂັ້ນເມືອງ ຫົວໜ້າຫ້ອງການຮອງຫົວໜ້າຫ້ອງການ ອ້ອມຂ້າງເມືອງແລະ ຍັງໄດ້ເຊື້ອເຊີນເອົາ ຫົວໜ່ວຍທຸລະກິດພໍ່ຄ້າຊາວຂາຍ ທີ່ນໍາເນີນທຸລະກິດຢູ່ພາຍໃນແຂວງບໍ່ແກ້ວແລະ ຕ່າງໜ້າອົງການປົກຄອງຂັ້ນບ້ານ ເຂົ້າຮ່ວມຢ່າງພ້ອມພຽງ;

ຈຸດສົງຂອງການເຕົ້າໂຮມໃນຄັ້ງນີ້ ກໍ່ເພື່ອຮັບຟັງການເຜີຍແຜ່ ເຊື່ອມຊືມ ບັນດາກົດໝາຍ ແລະ ນິຕິກໍາ ຂອງວຽກງານວິທະຍາສາດ ແລະ ເຕັກໂນໂລຊີ ໃຫ້ເຂົ້າໃຈແຈ້ງ ແລະ ນໍາໄປຈັດຕັ້ງປະຕິບັດໃຫ້ໄດ້ຮັບຜົນເປັນຢ່າງດີກອງປະຊຸມໄດ້ການເຜີຍແຜ່ ແລະ ເຊື່ອມຊືມປະກອບມີບັນດາເນື້ອໃນເອກະສານສໍາຄັນດັ່ງນີ້: ຂໍ້ຕົກລົງ ຂອງທ່ານເຈົ້າ ແຂວງໆ ບໍ່ແກ້ວສະບັບເລກທີ 29/ຈຂ.ບກລົງວັນທີ 11 ມັງກອນ 2016 ວ່າດ້ວຍ ພາລະ ບົດບາດສິດ ແລະ ໜ້າທີ ຂອງພະ ແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ.ຂໍ້ຕົກລົງ ຂອງທ່ານ ເຈົ້າແຂວງໆ ບໍ່ແກ້ວສະບັບເລກທີ 299/ຈຂ. ບກ ລົງວັນທີ 14 ມີນາ 2017, ວ່າດ້ວຍການຄຸ້ມຄອງກວດກາກວດສອບ ແລະ ສອບທຽບ ຜະລິດຕະພັນສີນຄ້າທີ່ລະເມີດລິຂະສິດຊັບສີນອຸດ ສະຫະກໍາ ແລະ ລອກຮຽນແບບເຄື່ອງໝາຍການຄ້າທີ່ເຂົ້າ ມາຊົມໃຊ້ຢູ່ພາຍ ໃນແຂວງ ບໍ່ແກ້ວ ແລະສົ່ງອອກໃຫ້ຖືກຕ້ອງຕາມມາດຕະຖານ ແຫ່ງຊາດລາວ ແລະ ມາດຕະ ຖານສາກົນ (ISO) ເພື່ອຈັດຕັ້ງປະຕິບັດ ການຈັດເກັບລາຍຮັບເຂົ້າງົບປະມານຂອງແຂວງກົດໝາຍວ່າດ້ວຍ ວິທະຍາສາດ ແລະ ເຕັກໂນໂລຊີກົດໝາຍວ່າ ດ້ວຍມາດຕະຖານ ການວັດແທກກົດໝາຍວ່າດ້ວຍ ຊັບສີນທາງປັນຍາກົດໝາຍ ວ່າດ້ວຍ ທຸລະກໍາທາງດ້ານເອເລັກໂຕຣນິກ ແລະ ວຽກງານອື່ນ ທີກ່ຽວຂ້ອງເພື່ອນໍາໄປເຜີຍແຜ່ຜັນຂະຫຍາຍ ແລະ ນໍາໄປຈັດຕັ້ງປະຕິບັດ ລະຫ່ວາງຜູ້ປະກອບການ ແລະ ຜູ້ໃຫ້ບໍລິການ ໃຫ້ມີຄວາມເຂົ້າໃຈ ແລະ ອໍານວຍຄວາມສະດວກ ໃຫ້ພະນັກງານວິຊາການ ຂອງ ວພຕ ຂັ້ນແຂວງລົງໄປເຄື່ອນໄຫວ ຈັດຕັ້ງປະຕິບັດ ວຽກງານວິຊາສະເພາະ ຕາມພາລະບົດບາດ ສິດ ແລະ ໜ້າທີ່ ທີ່ຂັ້ນເທິງມອບໃຫ້ ແລະ ເພື່ອ ແນ່ໃສ່ ຄວາມປວງໃສຂອງສັງຄົມ ໃຫ້ມີຄວາມສະງົບ ບໍ່ເອົາລັດເອົາບຽບກັນ ລະຫວ່າງຜູ້ຊື້ ແລະ ຜູ້ຂາຍຫຼັງຈາກທີ່ຄະນະຮັບຜິດຊອບໄດ້ສະເໜີ ເອກະສານຕ່າງໆສໍາເລັດແລ້ວ ກອງປະຊຸມຍັງໄດ້ສະເໜີ ໃຫ້ຜູ້ເຂົ້າມີຄໍາເຫັນແລກປ່ຽນ ເຊິ່ງກັນແລະກັນ ກ່ຽວກັບການຈັດຕັ້ງປະຕິບັດວຽກງານ ແຕ່ລະໜ້າວຽກ ແລະ ການຈັດຕັ້ງປະຕິບັດໃນໄລຍະຕໍ່ໜ້າຢ່າງເປັນຂະບວນຟົດຟື້ນ; ພ້ອມກັນນັ້ນ ຫຼັງຈາກເຜີຍແຜ່ເອກະສານ ຄາບເຊົ້າແລ້ວ ທາງຄະນະວິຊາການ ຂັ້ນແຂວງ, ກໍ່ໄດ້ນໍາພາ ວິຊາການຂັ້ນເມືອງລົງຈັດຕັ້ງປະຕິບັດຕົວຈີ່ງຕື່ມ ກ່ຽວກັບວິທີການ ກວດກາ ກວດສອບ ແລະ ສອບທຽບແຕ່ລະໜ້າວຽກໃຫ້ມີຄວາມຊໍານິຊໍານານທາງດ້ານວິຊາການຂັ້ນເມືອງຕື່ມອີກ.

Last Updated on Monday, 12 February 2018 10:00