ກອງປະຊຸມພົບປະແລກປ່ຽນບົດຮຽນລະຫວ່າງ ພວຕ ບໍແກ້ວ ກັບ ພວຕ ຜົງສາລີ Print
Written by Administrator   
Monday, 27 November 2017 13:32

ກອງປະຊຸມຢ້ຽມຢາມ ພົບປະລຽກປ່ຽນບົດຮຽນ ລະຫວ່າງ ພວຕ ແຂວງບໍ່ແກ້ວ ກັບ ພວຕ ແຂວງຜົງສາລີ ໄດ້ໄຂຂຶ້ນໃນຕອນເຊົ້າຂອງວັນທີ 23 ພະຈິກ 2107 ຢູ່ທີ່ຫ້ອງປະຊຸມ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ໂດຍການກ່າວຕ້ອນ ແລະ ເປັນປະທານຂອງທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ພ້ອມດ້ວຍຄະນະ ແລະ ພະນັກງານ-ວິຊາການ ຂອງ ພວຕ ແຂວງບໍ່ແກ້ວ; ໃຫ້ກຽດມາຢ້ຽມຢາມ ພົບປະລຽກປ່ຽນບົດຮຽນໃນຄັ້ງນີ້ ນໍາພາໂດຍທ່ານ ທອງເຫຼົາ ວົງອິນຄໍາ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງຜົງສາລີ ພ້ອມດ້ວຍຄະນະ ແລະ ຫົວໜ້າຂະແໜງ, ຮອງຂະແໜງ ຈໍານວນ 10 ທ່ານ, ຍິງ 3 ທ່ານ.

ທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ໃຫ້ກຽດລາຍງານສະພາບການເຄື່ອນໄຫວຈັດຕັ້ງປະຕິບັດວຽກງານ ວິທະຍາສາດ ແລະ ເຕັກໂນໂລຊີ ພາຍໃນແຂວງ ບໍ່ແກ້ວ ກໍ່ບັນດາຫ້ອງການ ວຕ ປະຈໍາແຕ່ລະເມືອງ ເຊິ່ງທ່ານໄດ້ຍົກໃຫ້ເຫັນເຖີງຫຼາຍປັນຫາ ລວມມີທັງຜົນສໍາເລັດ ແລະ ວຽກງານທີ່ຍັງຄ້າງ ທີ່ພວຕ ແຂວງ ພວກເຮົາຈະຕ້ອງໄດ້ເອົາໃຈໃສໃນຫຼາຍດ້ານ; ຕໍ່ກັບການມາຖອດຖອນບົດຮຽນ ຂອງ ພວຕ ຜົງສາລີໃນເທື່ອນີ້ແມ່ນມີຄວາມໝາຍຄວາມສໍາຄັນຫຼາຍ ອີກຢ່າງກໍ່ເປັນມິດໝາຍອັນດີ ທີ່ພວກເຮົາຕາງໜ້າ ພວຕ ທັງສອງແຂວງ ໄດ້ມາພົບປະ ແລະ ເປີດໃຈ ລາຍງານສະພາບການຈັດຕັ້ງປະຕິບັດວຽກງານ ວິທະຍາສາດ ແລະ ເຕັກໂນໂລຊີ ພາຍໃນແຂວງຂອງຕົນ. ຈາກນັ້ນ ທ່ານ ທອງເຫຼົາ ວົງອິນຄໍາ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງຜົງສາລີ ກໍ່ໄດ້ລາຍງານສະພາບການຈັດຕັ້ງປະຕິບັດວຽກງານ ວິທະຍາສາດ ແລະ ເຕັກໂນໂລຊີ ຢູ່ແຂວງຜົງສາລີ ແລະ ທ່ານຢັ້ງໄດ້ສະແດງຄວາມຂອບໃຈ ແລະ ຕີລາຄາສູງ ຂອງການນໍາພາຄະນະທີມງານມາພົບປະ ແລກປ່ຽນບົດຮຽນ ນໍາ ພວຕ ບໍ່ແກ້ວໃນຄັ້ງນີ້ ແລະ ທ່ານຍັງໄດ້ຮຽກຮ້ອງມາຍັງ ຂະແໜງການທີ່ກ່ຽວເພື່ອເປີດໃຈເອື້ອອໍານວຍໃຫ້ແກ່ຄະນະທີມງານທີ່ມາຈາກ ພວຕ ແຂວງຜົງສາລີໃນຄັ້ງນີ້ດ້ວຍ.

ຫຼັງຈາກນັ້ນກອງປະຊຸມກໍ່ໄດ້ປືກສາຫາລືວຽກງານກ່ຽວກັບການຈັດຕັ້ງປະຕິບັດໃນແຕ່ລະດ້ານເປັນຕົ້ນ 1. ວຽກງານ ຊັບສີນທາງປັນຍາ ມາດຕະຖານ ແລະ ວັດແທກ ໃນການລົງຕິດຕາມກວດກາກວດສອບ ສອບທຽບບັນດາຫົວໜ່ວຍທຸລະກິດທີ່ນໍາ ແລະ ດໍາເນີນທຸລະກິດຢູ່ພາຍໃນແຂວງບໍ່ແກ້ວ; 2. ວຽກງານເຕັກໂນໂລຊີ ຂໍ້ມູນຂ່າວສານ ໃນການລົງຕິດຕາມກວດ ກວດສອບມາດຕະຖານການນໍາເຂົ້າ -ຈໍາໜ່າຍ ແລະ ບໍລິການ ປະເພດເຄື່ອງໃຊ້ໄຟຟ້າ ເອເລັກໂຕຣນິກພາຍໃນແຂວງ ແລະ ການບໍລິການດ້ານເຕັກໂນໂລຊີ ຂໍ້ມູນຂ່າວສານ ການຈັດຝືກອົບຮົມຄອມພີວເຕີ ແລະ ວຽກງານການໂຄສະນາເຜີຍແຜ່ອື່ນໆ; 3. ວຽກງານວິທະຍາສາດ ແລະ ນະວັດຕະກໍາໃໝ່ ໃນການຄົ້ນຄວ້າທົດລອງທາງດ້ານວິທະຍາສາດ ແລະ ນະວັດຕະກໍາໃໝ່ ແລະ ວຽກງານອື່ນໆ ໂດຍມອບໃຫ້ ວິຊາການ ຂະແໜງການທີ່ກ້ຽວຂ້ອງຂອງໃຜລາວ ເພື່ອນໍາພາຖອດຖອນບົດຮຽນເຊິ່ງກັນ ແລະ ກັນຢ່າງມີບັນຍາກາດທີ່ຟົດຟື້ນ ແລະ ເຫັນໄດ້ວ່າກອງປະຊຸມຄັ້ງນີ້ ໄດ້ເປັນຂີດໝາຍອັນສໍາຄັນ ແລະ ເປັນບາດກ້າວໜື່ງທີ່ຈະນໍາພາໄປສູ່ຜົນສໍາເລັດຢ່າງຕໍ່ເນື່ອງ ແລະ ຫັນວຽກງານ ວິທະຍາສາດ ແລະ ເຕັກໂນໂລຊີເຂົ້າສູ່ລະບຽບການເທື່ອລະກ້າວເວົ້າລວມ, ເວົ້າສະເພາະວຽກງານ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ແລະ ແຂວງຜົງສາລີ.

 

 

 

ພາບ ແລະ ຂ່າວໂດຍ: ປະກາສິດ ທໍາມະວົງ

 

 

 

 

 

 

 

Last Updated on Tuesday, 28 November 2017 08:49