ພວຕແຂວງບໍ່ແກ້ວສໍາເລັດກອງປະຊຸມເຜີຍແຜ່ກົດໝາຍ ແລະ ນິຕິກໍາຂອງວຽກງານວິທະຍາສາດແລະເຕັກໂນໂລຊີ ທີ່ເມືອງຫ້ວຍຊາຍ Print
Written by Administrator   
Monday, 20 November 2017 08:35
 
ວັນທີ 16 ພະຈິກ 2017 ທີ່ຜ່ານມານີ້ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ໄດ້ປະສານສົມທົບກັບ ຫ້ອງການ ວິທະຍາສາດ ແລະ ເຕັກໂນໂລຊີ ເມືອງຫ້ວຍຊາຍ ຈັດກອງປະຊຸມເຜີຍ ແຜ່ກົດໝາຍ ແລະ ນິຕິກໍາ ຂອງວຽກງານ ວິທະຍາສາດ ແລະ ເຕັກໂນໂລຊີຂຶ້ນ ຢູ່ທີຫ້ອງປະຊຸມເມືອງຫ້ວຍຊາຍ, ແຂວງບໍ່ແກ້ວ; ກອງປະຊຸມໄດ້ດໍາເນີນເປັນເວລາ 1 ຕອນ ແລະ ໄດ້ອັດລົງໂດຍ ໃຫ້ກຽດເປັນປະທານ ຂອງທ່ານ ສີງທອງ ວິໄລສຸກ ກໍາມະການພັກແຂວງ ເລຂາພັກເມືອງ ເຈົ້າເມືອງໆ ຫ້ວຍຊາຍ ແລະ ທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງ,  ມີພະນັກງານການນໍາຂັ້ນເມືອງ ຫົວໜ້າຫ້ອງການ, ຮອງຫົວໜ້າຫ້ອງການ ອ້ອມຂ້າງເມືອງ, ແລະ ຍັງໄດ້ເຊື້ອເຊີນເອົາ ຫົວໜ່ວຍທຸລະກິດ, ພໍ່ຄ້າຊາວຂາຍ ທີ່ນໍາເນີນທຸລະກິດຢູ່ພາຍໃນແຂວງບໍ່ແກ້ວ, ແລະ ຕ່າງໜ້າອົງການປົກຄອງຂັ້ນບ້ານ ຈໍານວນ ສີບໝູ່ບ້ານເຂົ້າຮ່ວມຢ່າງພ້ອມພຽງ; ຈຸດສົ່ງຂອງການເຕົ້າໂຮມໃນຄັ້ງນີ້ ກໍ່ເພື່ອເຜີຍແຜ່ ເຊື່ອມຊືມ ບັນດາກົດໝາຍ ແລະ ນິຕິກໍາ ຂອງວຽກງານວິທະຍາສາດ ແລະ ເຕັກໂນໂລຊີ ໃຫ້ເຂົ້າໃຈແຈ້ງ ແລະ ນໍາໄປຈັດຕັ້ງປະຕິບັດໃຫ້ໄດ້ຮັບຜົນເປັນຢ່າງດີ; ກອງປະຊຸມໄດ້ການເຜີຍແຜ່ ແລະ ເຊື່ອມຊືມປະກອບມີບັນດາເນື້ອໃນເອກະສານສໍາຄັນດັ່ງນີ້: ຂໍ້ຕົກລົງ ຂອງທ່ານເຈົ້າ ແຂວງໆ ບໍ່ແກ້ວ, ສະບັບເລກທີ 29/ຈຂ.ບກ, ລົງວັນທີ 11 ມັງກອນ 2016 ວ່າດ້ວຍ ພາລະ ບົດບາດ, ສິດ ແລະ ໜ້າທີ ຂອງພະ ແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ.; ຂໍ້ຕົກລົງ ຂອງທ່ານ ເຈົ້າແຂວງໆ ບໍ່ແກ້ວ, ສະບັບເລກທີ 299/ຈຂ. ບກ ລົງວັນທີ 14 ມີນາ 2017, ວ່າດ້ວຍການຄຸ້ມຄອງ, ກວດກາ, ກວດສອບ ແລະ ສອບທຽບ ຜະລິດຕະພັນສີນຄ້າທີ່ລະເມີດລິຂະສິດ, ຊັບສີນອຸດ ສະຫະກໍາ ແລະ ລອກຮຽນແບບເຄື່ອງໝາຍການຄ້າທີ່ເຂົ້າ ມາຊົມໃຊ້ຢູ່ພາຍ ໃນແຂວງ ບໍ່ແກ້ວ ແລະສົ່ງອອກໃຫ້ຖືກຕ້ອງຕາມມາດຕະຖານ ແຫ່ງຊາດລາວ ແລະ ມາດຕະ ຖານສາກົນ (ISO) ເພື່ອຈັດຕັ້ງປະຕິບັດ ການຈັດເກັບລາຍຮັບເຂົ້າງົບປະມານຂອງແຂວງ; ກົດໝາຍວ່າດ້ວຍ ວິທະຍາສາດ ແລະ ເຕັກໂນໂລຊີ, ກົດໝາຍວ່າ ດ້ວຍມາດຕະຖານ ການວັດແທກ, ກົກໝາຍວ່າດ້ວຍ ຊັບສີນທາງປັນຍາ, ກົດໝາຍ ວ່າດ້ວຍ ທຸລະກໍາທາງດ້ານເອເລັກໂຕຣນິກ ແລະ ວຽກງານອື່ນ ທີກ່ຽວຂ້ອງ; ເພື່ອນໍາໄປເຜີຍແຜ່ຜັນຂະຫຍາຍ ແລະ ນໍາໄປຈັດຕັ້ງປະຕິບັດ ລະຫ່ວາງຜູ້ປະກອບການ ແລະ ຜູ້ໃຫ້ບໍລິການ ໃຫ້ມີຄວາມເຂົ້າໃຈ ແລະ ອໍານວຍຄວາມສະດວກ ໃຫ້ພະນັກງານວິຊາການ ຂອງ ວພຕ ຂັ້ນແຂວງລົງໄປເຄື່ອນໄຫວ ຈັດຕັ້ງປະຕິບັດ ວຽກງານວິຊາສະເພາະ ຕາມພາລະບົດບາດ ສິດ ແລະ ໜ້າທີ່ ທີ່ຂັ້ນເທິງມອບໃຫ້ ແລະ ເພື່ອ ແນ່ໃສ່ ຄວາມປວງໃສຂອງສັງຄົມ ໃຫ້ມີຄວາມສະງົບບໍ່ເອົາ ລັດເອົາບຽບກັນ ລະຫວ່າງຜູ້ຊື້ ແລະ ຜູ້ຂາຍ; ຫຼັງຈາກທີ່ຄະນະຮັບຜິດຊອບໄດ້ສະເໜີ ເອກະສານຕ່າງໆສໍາເລັດແລ້ວ ກອງປະຊຸມຍັງໄດ້ສະເໜີ ໃຫ້ຜູ້ເຂົ້າມີຄໍາເຫັນແລກປ່ຽນ ເຊິ່ງກັນແລະກັນ ກ່ຽວກັບການຈັດຕັ້ງປະຕິບັດວຽກງານ ວະທະຍາສາດ ແລະ ເຕັກໂນໂລຊີ ບໍ່ແຂວງບໍ່ແກ້ວ ແລະ ການຈັດຕັ້ງປະຕິບັດໃນໄລຍະຕໍ່ໜ້າຢ່າງເປັນຂະບວນຟົດຟື້ນ.
ຕອນທ້າຍກອງປະຊຸມດັ່ງກ່າວໄດ້ຮັບຟັງການໂອ້ລົມຂອງທ່ານ ສີງທອງ ວິໄລສຸກ ກໍາມະການພັກແຂວງ ເລຂາພັກເມືອງ ເຈົ້າເມືອງເມືອງຫ້ວຍຊາຍ; ເຊິ່ງໄດ້ຍົກໃຫ້ເຫັນຫຼາຍບັນຫາ ແລະ ຍ້ອງຍໍຊົມເຊີຍ ໃນການຈັດ ຕັງປະຕິບັດວຽກງານ ວິທະຍາສາດ ແລະ ເຕັກໂນໂລຊີ ຂັ້ນແຂວງ, ກໍ່ຄືຂັ້ນເມືອງຫ້ວຍຊາຍໃນໄລຍະຜ່ານມາ, ເຖິງຈະເຮັດໄດ້ດີຜ່ານກໍ່ຕາມ ແຕ່ພວກກໍ່ຕ້ອງໄດ້ເອົາໃຈໃສ ຊີ້ນໍານໍາພາໃຫ້ໄດ້ຂຶ້ນ ໄປເລື໊ອຍໆ ເພາະວຽກງານດັ່ງກ່າວແມ່ນສອດຫ້ອຍເຂົ້າໃນທຸກຂົງເຂດວຽກງານ ບໍ່ວ່າທັງພາກລັດ ກໍ່ຄືພາກເອກະຊົນ. ການເຜີຍແຜ່ກົດໝາຍ ແລະ ນິກໍາຂອງວຽກງານວິທະຍາສາດ ແລະ ເຕັກໂນໂລຊີ, ແຂວງ ແລະ ເມືອງໄດ້ຮ່ວມກັນ ຈັດຂຶ້ນໃນຄັ້ງນີ້ ແມ່ນຈະເປັນໝາກຜົນສໍາເລັດອັນໜື່ງ ທີ່ພວກເຮົາຈະໄດ້ຈັດຕັງປະຕິບັດໃຫ້ມັນສອດຄ້ອງ ແລະ ເປັນບ່ອນອີງໃນການຈັດຕັ້ງປະຕິບັດ; ເປັນຕົ້ນໃຫ້ເປັນບ່ອນອີງ ໃຫ້ແກ່ ຜູ້ປະກອບການທີ່ດໍາເນີນທຸ ລະກິດຢູ່ພາຍໃນແຂວງເປັນຕົ້ນ, ໂຮງງານດີນບ່ອກ, ດີນຈີ, ເບຕົງ, ນໍ້າດື່ມ,ຫ້າງຮ້ານເຄື່ອງໃຊ້ໄຟຟ້າເອເລັກໂຕຣນິກ, ປໍ້າຈໍາໜ່າຍນໍ້າມັນ, ສາງເກັດນໍ້າມັນ ໃນທົ່ວແຂວງ ໃຫ້ມີຄວາມທ່ຽງທໍາ ຜະລິດຕະພັນມີຄຸນ ນະພາບ ແລະ ສີນຄ້າໄດ້ມາດຕະຖານ; ອີກຢ່າງທ່ານຍັງໄດ້ກ່າວວ່າ ບຸກຄົນ, ນິຕິບຸກ ແລະ ປະເທດໃດ ທີ່ຮັບຮູ້ຂໍ້ມູນຂ່າວສານຫຼາຍ ກໍ່ຈະໄດ້ຮັບການພັດທະນາຫຼາຍ ເພາະວ່າ ເຕັກໂນໂລຊີ ຈະເປັນກົນໄກຂັບເຄື່ອນ ວຽກງານທຸກລະບົບ ສະນັ້ນພວກເຮົາຕ້ອງເອົາໃຈໃສຊວຍກັນເພື່ອພັດທະນາປະເທດ ກໍ່ຄືແຂວງບໍ່ແກ້ວນັບມືນັບຈະເລື່ອນຮຸງເຮື່ອງເທື່ອລະກ້າວ.
 
 
 
ພາບ ແລະ ຂ່າວໂດຍ: ປະກາສິດ ທໍາມະວົງ
 

 

Last Updated on Wednesday, 06 December 2017 09:18