ພິທີເປີດຊີງຊັ່ງກາງຢູ່ຕະຫຼາດ ສາຍມະນີ ບ້ານຂອນແກ້ວ ເມືອງຫ້ວຍ Print
Written by Administrator   
Wednesday, 25 October 2017 09:06

ເພື່ອເປັນການຕິດຕາມ ກວດກາ-ກວດສອບ ການຊື້-ການຂາຍ ຂອງແມ່ຄ້າຊາວຂາຍ ຢູ່ຕາມທ້ອງຕະຫຼາດ ເພື່ອສ້າງຄວາມຍຸຕິທໍາໃຫ້ແກ່ສັງຄົມ

ໃນຕອນບາຍຂອງວັນທີ 24 ຕຸລາ 2017 ທີ່ຜ່ານມານີ້ ຢູ່ທີ່ຕະຫຼາດ ສາຍມານີ ບ້ານຂອນແກ້ວ ໄດ້ມີພິທີເປີດ ຊີງຊັງກາງຂຶ້ນ, ໂດຍການເປັນປະທານຂອງ ທ່ານ ທິບພະກອນ ກໍາມະການພັກເມືອງ ຫົວໜ້າ ຫ້ອງການອຸດສະຫະກໍາ ການຄ້າເມືອງ, ທ່ານ ຈັນທອນ ເພັດສີໄລ ຫົວໜ້າ ຫ້ອງການ ວິທະຍາສາດ ແລະ ເຕັກໂນໂລຊີ ເມືອງຫ້ວຍຊາຍ ເຊີ່ງເປັນຄະນະຮັບຜິດຊອບ ໃນການຕິດຕັງຊີງຊັງກາງຄັ້ງນີ້; ມີຕ່າງໜ້າ ຄະນະຮັບຜິດຊອບຕະຫຼາດສາຍມະນີເຂົ້າຮ່ວມ; ໃນພິທີຍັງໃຫ້ກຽດເຂົ້າໂດຍທ່ານ ຄອນໄຊ ສະຕິ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ແລະ ແຂກ, ພະນັກງານ ວິຊາການທີ່ກ່ຽວຄ້ອງ; ນອກນີ້ຍັງມີແມ່ຄ້າ ຊາວຂາຍເຂົ້າຮ່ວມຢ່າງພ້ອມພຽງ.

ຈຸດປະສົງຂອງການເຕົ້າຮວມໃນຄັ້ງນີ້ກໍ່ເພື່ອເປີດຊີງຊັງກາງ ແລະ ນໍາເອົາເນື້ອໃນຈິດໃຈ ດ້ວຍຄວາມເປັນຫ່ວງເປັນໃຍ ຂອງຂັ້ນນໍາມາເຜີຍແຜ່ ໃຫ້ແມ່ຄ້າຊາວຂາຍໄດ້ຮັບຮູ້ເຖິງນະໂຍບາຍທີ່ຖືກຕ້ອງຂອງພັກ-ລັດເຮົາ ຕໍ່ກັບການເປີດຊີງຊັງນີ້ກໍ່່ເພື່ອຄວາມເປັນທໍາ, ບໍເອົາລັດ ເອົາປຽບກັນລະຫ່ວາງ ຜູ້ຊື້ ແລະ ຜູ້ຂາຍ ເປັນຕົນການຊີງຊັງ ຊີ້ນ, ປາ, ເຂົ້າ ແລະ ອື່ນໆ ໃຫ້ໄດ້ເຕັມອັດຕາຂອງມູນເງິນທີ່ໄດ້ໃຊ້ຈ່າຍໄປນັ້ນ. ໃນພິທີຍັງໄດ້ຮັບຟັງ ການເຜີຍແຜ່ ຂໍ້ກໍານົດ ກົດລະບຽບ ຂອງການນໍາໃຊ້ ຕາຊີງຊັງ ແລະ ມາດຕະການໃນການຈັດຕັ້ງປະຕິບັດອີກດ້ວຍ.

ຕອນທ້າຍຍັງໄດ້ຮັບຟັງ ຄໍາເຫັນໂອ້ລົມ ຂອງ ທ່ານ ທິບພະກອນ ກໍາມະການພັກເມືອງ ຫົວໜ້າ ຫ້ອງການ ອຸດສະຫະກໍາການຄ້າເມືອງ ໂດຍທ່ານໄດ້ຍົກໃຫ້ເຫັນຫຼາຍໆ ບັນຫາທີ່ເກີດຢູ່ໃນສັງຄົມ ເວົາລວມ ເວົ້າສະເພາະ ແມ່ນຕາມທ້ອງຕະຫຼາດຂອງພວກເຮົາ ທີ່ທໍາການຊື້ຂາຍ ມີການເອົາລັດເອົາປຽບກັນ ໂດຍສະເພາະລາຄາ, ຕາຊີງຊັງ, ດັ່ງນັ້ນມື້ນີ້ພວກເຮົາໄດ້ນໍາເອົາ ຊີງຊັງກາງມາຕິດຕັງຢູ່ຕະຫຼາດແຫ່ງນີ້ ກໍ່ເພື່ອປົກປ້ອງສິດຜົນປະໂຫຍດ ລະຫວ່າງຜູ້ຊື່ ແລະ ຜູ້ຂາຍໃຫ້ໄດ້ຮັບຄວາມທຽງທໍາ ແລະ ເຮັດໃຫ້ສັງຄົມມີຄວາມສະຫງົບ. 

  

ພາບ ແລະ ຂ່າວໂດຍ: ຂະແໜງ ເຕັກໂນໂລຊີ ຂໍ້ມູນຂ່າວສານ 

Last Updated on Wednesday, 25 October 2017 09:43