ພວຕ ແຂວງບໍ່ແກ້ວລົງຈັດຕັ້ງປະຕິບັດວຽກງານການຄຸ້ມຄອງ, ກວດກາ, ກວດສອບ-ສອບທຽບນ້ຳໜັກຊິງຊັ່ງຂອງໜ່ວຍງານພາກລັດ. Print
Written by Administrator   
Monday, 18 September 2017 08:49
ວັນທີ14ກັນຍານີ້ພະແນກວິທະຍາສາດແລະເຕັກໂນໂລຊີແຂວງບໍ່ແກ້ວໄດ້ລົງຈັດຕັ້ງປະຕິບັດວຽກງານການ ຄຸ້ມຄອງ, ກວດກາ, ກວດສອບ -ສອບທຽບນ້ຳໜັກຊິງຊັ່ງຂອງໜ່ວຍງານພາກລັດ ເພື່ອເຮັດໃຫ້ນ້ຳໜັກມີຄວາມຊັດເຈນ ແລະ ຖືກຕ້ອງຕາມມາດຕະຖານ ທີ່ໄດ້ກຳ ນົດໄວ້. ການລົງກວດກາຄັ້ງນີ້ ເຊິ່ງນຳໂດຍທ່ານ ໄພວັນ ສ້ອຍທອງ ຮອງຫົວໜ້າພະແນກວິທະສາດ ແລະ ເຕັກໂນໂລຊີແຂວງ, ມີບັນດາຫົວ ໜ້າຂະແໜງ, ພະນັກງານ ວິຊາການຂະແໜງ ຊັບສິນທາງປັນຍາ, ມາດຕະຖານ ແລະ ວັດແທກ ພະແນກວິທະສາດ ແລະ ເຕັກໂນໂລຊີ ແຂວງ.
ການລົງເຄື່ອນໄຫວຈັດຕັ້ງປະຕິບັດຄັ້ງນີ້ແມ່ນໄດ້ປະຕິບັດໃນ 5 ຈຸດຄື: ໄດ້ລົງກວດສອບ ແລະ ສອບທຽບນ້ຳໜັກຊິງຊັງ ໂຮງໝໍແຂວງບໍ່ ແກ້ວ, ກວດສອບ-ສອບທຽບ ນ້ຳໜັກຊິງຊັ່ງ ພະແນກໂຍທາທິການ ແລະ ຂົນສົ່ງຈຸດດ່ານ ຂົວມິດຕະພາບລາວ-ໄທ ແຫ່ງທີ່ 4 ຫ້ວຍຊາຍ -ຊຽງຂອງ, ຫ້ອງການຄຸ້ມຄອງສະໜາມບິນ, ລົງກວດສອບປ້ຳນ້ຳມັນບ້ານຫ້ວຍດິນຈີ່ ແລະ ກວດສອບ-ສອບທຽບ ນຳ້ໜັກຊິງຊັ່ງ ພະແນກ ໂຍທາທິການ ແລະ ຂົນສົ່ງແຂວງ ຈຸດດ່ານກວດນ້ຳໜັກ ບ້ານປຸ່ງນາໜູນ, ການຈັດຕັ້ງປະຕິ ບັດແມ່ນໄດ້ປະຕິ ບັດຕາມຂອບ ເຂດສິດ ແລະ ໜ້າທີຂອງ ຄະນະກຳມະການ ເພື່ອຕິດຕາມກວດກາຜະລິດຕະພັນສິນຄ້າທີ່ລອກຮຽນແບບເຄື່ອງໝາຍການຄ້າ, ເປັນການລະ ເມີດລິຂະສິດ, ຊັບສິນອຸດສາ ຫະກຳທີ່ຜະລິດຢູ່ພາຍໃນ, ສິນຄ້າທີ່ນຳເຂົ້າມາຊົມໃຊ້ຢູ່ພາຍໃນ ແລະ ສົ່ງອອກ ໃຫ້ຖືກຕ້ອງຕາມມາດຕະຖານ ແຫ່ງຊາດລາວ ແລະ ມາດຕະຖານ ສາກົນ( ISO )ໂດຍສະເພາະແມ່ນປະເພດຜະລິດຕະພັນສິນຄ້າ ນ້ຳມັນເຊື້ອໄຟ, ຫົວປ້ຳຈຳໜ່າຍນ້ຳມັນ ເຊື້ອໄຟ, ລົດບັນ ທຸກນ້ຳມັນເຊື້ອໄຟສາງ ເກັບນ້ຳມັນເຊື້ອໄຟ, ວັດສະດຸກໍ່ສ້າງທົ່ວໄປ, ຜະລິດຕະພັນຫຸ້ມຫໍ່, ປຸຍເຄມີ, ເຄື່ອງກົນຈັກໂຮງງານອຸດ ສາຫະກຳ, ເຄື່ອງຄອມພິວເຕີ, ເຄື່ອງເອ ເລັກໂຕຣນິກ, ຕູ້ເກມ, ຕູ້ເອທີເອັມ, ເຄື່ອງອຸປະກອນທົດລອງທາງດ້ານວິທະຍາສາດ, ພາຫະນະວັດແທກປະ ເພດຊິງຊັງທົ່ວໄປ, ຊິງຊັ່ງລົດບັນ ທຸກ, ຊິງຊັ່ງລົດບັນທຸກຫີນ, ແຮ່, ຊາຍ ຊິງຊັງວັດຖຸມີຄ່າ, ໝໍ້ນັບໄຟ ຟ້າໝໍ້ນັບນ້ຳປະປາ, ເບຕົງ, ແຜນ ຄອນກີດ, ເສົາໄຟຟ້າ, ອຸປະກອນ, ທໍ່ນ້ຳ ແລະ ອື່ນໆ.
ທັງນີ້ເພື່ອເປັນການຕິດຕາມ ຊຸກຍູ້ ແລະ ຮັບປະກັນ ການຈັດເກັບລາຍຮັບເຂົ້າງົບປະມານຂອງແຂວງ ໃນຂະແໜງວຽກ ວິທະຍາສາດ ເຕັກ ໂນໂລຊີ ແລະ ນະວັດຕະກຳ, ເຕັກໂນໂລຊີຂໍ້ມູນຂ່າວສານ ຊັບສິນທາງປັນຍາ, ມາດຕະຖານ ແລະ ວັດແທກ ໃຫ້ມີການຄຸ້ມຄອງ ຄຸນນະພາບ ສິນຄ້າ ເພື່ອປົກປ້ອງສິິດຜົນປະໂຫຍດຂອງຊົມໃຊ້, ໃຫ້ມີຄວາມຍຸດຕິທຳໃນທົ່ວສັງຄົມ ລະຫວ່າງ ຜູ້ຊື້ ກັບ ຜູ້ຂາຍ ແລະ ຜູ້ໃຫ້ບໍລິການ ກັບຜູ້ ຊົມໃຊ້ໃນທົ່ວແຂວງ ໃຫ້ເປັນເອກະພາບກັນກັບບັນດາຂະແໜງການຕ່າງໆ ຂອງແຂວງ ແລະ ບັນດາແຂວງ ໃນທົ່ວປະເທດ.
 
 
 
ພາບ ແລະ ຂ່າວໂດຍ: ປະກາສິດ ທໍາມະວົງ
Last Updated on Monday, 18 September 2017 09:42