ຄະນະນໍາ ພວຕ ແຂວງບໍ່ແກ້ວ ລົງຢ້ຽມຢາມ ແລະ ເຮັດວຽກຢູ່ ຫວຕ ເມືອງຕົ້ນເຜິ້ງ Print
Written by Administrator   
Tuesday, 05 September 2017 09:59

ວັນທີ່ 15 ສີງຫາ 2017 ທີ່ຜ່ານມານີ້ ທ່ານ ຄອນໄຊ ສະຕິ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວແກ້ວ; ພ້ອມດ້ວຍຄະນະທີມງານ ວິຊາການ ຂອງແໜງ ພາຍໃນພະແນກ ວຕ ລົງຢ້ຽມຢາມ ແລະ ເຮັດວຽກຢູ່ເມືອງຕົ້ນເຜິ້ງ , ເຊິ່ງໃຫ້ກຽດຕ້ອນຮັບ ໂດຍແມ່ນ ທ່ານ ສອນຄິດ ເລື່ອງຫວັນ ຮອງຫົວໜ້າ ຫ້ອງການ ເຕັກໂນໂລຊີ ເມືອງຕົ້ນເຜິ້ງ, ຈຸດປະສົງຂອງການມາຢ້ຽມຢາໃໃນຄັ້ງນີ້ ກໍ່ເພື່ອພົບປະອ້າຍນ້ອງພະນັກງານ ຫ້ອງການ ວິທະຍາສາດ ແລະ ເຕັກໂນໂລຊີເມືອງ; ໃນໂອກາດດັ່ງກ່າວແມ່ນໄດ້ຮັບການລາຍງານ ໂດຍຫຍໍ້ ກ່ຽວກັບການຈັດຕັ້ງປະຕິບັດ ວຽກງານ ວິທະຍາສາດ ແລະ ເຕັກໂນໂລຊີ ຢູ່ເມືອງຕົ້ນເມືອງ ແລະ ສະພາບຄວາມເປັນມາຂອງ ພະນັກງານ ເຫັນວ່າ ມີຄວາມສາມັກຄີ, ຕັ້ງໃຈເຮັດວຽກ ຕາມພາລະບົດຂອງຕົນ ທີ່ຮັບການມອບໝາຍຈາກຂັ້ນເທິງ, ແລະ ມີຫຼັກໝັ້ນທາງດ້ານການເມືອງ, ຄຸນສົມບັດສີນທໍາປະຕິວັດ; ຈາກການໄດ້ຮັບຟັງການລາຍງານ ທ່ານໄດ້ຕີລາຄາສູງ ຕໍ່ໝາກຜົນສໍາເລັດ ທີ່ພວກເຮົາໄດ້ຍາດມານັ້ນ ແລະ ທ່ານໄດ້ ມີຄໍາເຫັນໂອ້ລົມ ທີ່ເປັນທິດເຍື່ອງທາງ ແລະ ເປັນບ່ອນອີງໃນການຈັດຕັ້ງປະຕິບັດ ໃນຕໍ່ໜ້າ; ເຊີ່ງທ່ານໄດ້ຍົກໃຫ້ເຫັນຫຼາຍບັນຫາ ເປັນຕົ້ນ ຕ້ອງສືບທອນມູນເຊົື້ອຄວາມສາມັກຄີ ອ້າຍນ້ອງພະນັກງານ ທັງພາຍໃນ ແລະ ພາຍນອອກ, ຄົ້ນຄວ້າຜັນຂະຫຍາຍ ກົດໝາຍ, ປະຕິຄໍາສັ່ງ ໂດຍໃຫ້ສອດຄອງກັບພາລະບົດບາດ ຂອງຕົນຮັບຜິດຊອບ ດ້ວຍປະສານສົມທົບກັບພາກສ່ວນກ້ຽວຂ້ອງ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານໃນແຕ່ໄລ່ຍະ.

 ພ້ອມກັນນັ້ນ ທາງຄະນະທີມງານ ກໍ່ໄດ້ລົງຢ້ຽມຢາມ, ຕິດຕາມ ກວດກາ ເຄື່ອງວັດແທກ ຄວາມແຮງລົມ, ປະລິມານນໍ້າຝົນ (ເຄື່ອງໂທລະມາດ) ທີ່ຕັ້ງຢູ່ ບ້ານຕົ້ນເຜິ້ງ ເມືອງຕົ້ນເຜິ້ງ ແຂວງບໍ່ແກ້ວ, ເພື່ອເປັນການຕິດຕາມ ກວດກາ ທາງດ້ານ ເຕັກນິກ ວິຊາການ ໃນການກວດສອບ ລາຍງານຜົນໄດ້ຮັບ ຂອງເຄື່ອງດັ່ງກ່າວ ແລະ ການບໍາລົງຮັກສາ ໃຫ້ມີອາຍຸການໃຊ້ໄດ້ຍາວນານ ແລະ ຮັບປະກັນທາງດ້ານ ເຕັກນິກວິຊາການ; ທ່ານ ສີພັນດອນ ວິໄລສັກ ຮອງຫົວໜ້າ ຂະແໜງ ວິທະຍາສາດ ເຕັກໂນໂລຊີ ແລະ ນະວັດຕະກໍາ ຄະນະຮັບຜິດຊອບຕິດຕາມກວດກາ ເຄື່ອງໂທລະມາດ ໄດ້ອະທິບາດ ການນໍາໃຊ້, ການອັບໂຫຼດຂໍ້ມູນ ຈາກເຄື່ອງ ເພື່ອກວດສອບ ຜົນໄດ້ຮັບໃນແຕ່ລະໄລຍະ, ທິດທາງແຜນການໃນຕໍ່ໜ້າ ຈະຈັດການຝຶກອົບຮົມ ທາງດ້ານເຕັກນິກວິຊາການ ໃນການນໍໃຊ້ ເຄື່ອງດັ່ງກ່າວໃຫ້ ວິຊາການ ຮັບຜິດຊອບ ຂັ້ນເມືອງຕື່ມອີກ.

   

 

ພາບ ແລະ ຂ່າວໂດຍ: ປະກາສິດ ທໍາມະວົງ 

Last Updated on Tuesday, 05 September 2017 10:58