ກວດກາກວດສອບລົດບັນທຸກນໍ້າມັນ ປະຈໍາປີ 2019 Print
Written by Administrator   
Wednesday, 24 July 2019 03:42

ຂະແໜງ ມາດຕະຖານ ແລະ ວັດແທກ (ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ) ຮ່ວມກັບ ວິຊາການກົມມາດຕະຖານ ແລະ ວັດແທກ (ກວຕ) ລົງຕິດຕາມ ກວດກາ ກວດສອບ ສອບທຽບ ລົດບັນທຸກນໍ້າມັນເຊື້ອໄຟ ປະຈໍາປີ 2019 ຢູ່ແຂວງບໍ່ແກ້ວ. 

ເພື່ອຮັບປະກັນການຈັດຕັ້ງປະຕິບັດ ໃນແຕ່ລະໄລຍະໄດ້ຮັບຜົນດີ ແລະ ເຂົ້າສູ້ລະບຽບຫຼັກການ ອົງການລັດພວກເຮົາຈື່ງໄດ້ລົງກວດກາລົດບັນທຸກນໍ້າມັນ ແຕ່ລະບໍລິສັດນໍາເຂົ້າ ແລະ ສົ່ງອອກ ເພື່ອຮັບປະກັນມາດຕະຖານ ການບັນທຸກ ໃຫ້ໄດ້ຕາມມາດຕະຖານທີ່ກໍານົດໄວ້. ບໍລິສັດນໍ້າມັນເຊື້ອໄຟລາວ ສາຂາແຂວງບໍ່ແກ້ວ ກໍ່ເປັນບໍລິສັດໜຶ່ງທີ່ໃຫ້ບໍລິການ ຈໍາໜ່າຍນໍ້າມັນເຊື້ອໄຟພາຍໃນແຂວງ ແລະ ສົ່ງອອກຕ່າງແຂວງ ທີ່ໄດ້ມາດຕະຖານ ແລະ ມີຄຸນນະພາບ ທັ້ງນີ້ກໍ່ເພື່ອເປັນການຢັ້ງຢືນ ກວດກາ ກວດສອບ ສອບທຽບ ທາງດ້ານເຕັກນິກ ວິຊາການ ເພື່ອຢັ້ງຢືນມາດຕະຖານຂອງລົດບັນທຸກໃນແຕ່ລະປີ.

ເຂົ້າຮ່ວມໃນການລົງກວດກາຄັ້ງນີ້ມີທ່ານ ໄພວັນ ສ້ອຍທອງ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງ, ຕ່າງໜ້າບໍລິສັດຂົນສົ່ງນໍ້າມັນເຊື້ອໄຟລາວ ປະຈໍາສາຂາແຂວງບໍ່ແກ້ວ ພ້ອມດ້ວຍຂະແໜງການກ່ຽວຂ້ອງ ແລະ ວິຊາການທີ່ມາຈາກກົມ ມາດຕະຖານ ແລະ ການວັດແທກ (ກວຕ) ເຂົ້າຮ່ວມ

  

  

 

ຂ່າວ ແລະ ພາບໂດຍ: ປະກາສິດ ທໍາມະວົງ 

 

Last Updated on Wednesday, 24 July 2019 04:15