ກວດສອບ-ສອບທຽບໂຮງງານຜະລິດນໍ້າດື່ມຢູ່ພາຍໃນແຂວງບໍ່ແກ້ວ Print
Written by Administrator   
Tuesday, 11 June 2019 01:28

 

ຂະແໜງ ມາດຕະຖານ ແລະ ວັດແທກ (ພວຕ ແຂວງບໍ່ແກ້ວ) ລົງຕິດຕາມ, ກວດກາ, ກວດສອບ-ສອບທຽບ ບັນດາໂຮງງານຜະລິດນໍ້າດື່ມ ຢູ່ພາຍໃນເທດສະບານແຂວງບໍ່ແກ້ວ.

ເພື່ອເຮັດໃຫ້ສັງຄົມມີຄວາມຍຸທໍາ ລະຫວ່າງຜູ້ຊື້-ຜູ້ຂາຍ, ຜູ້ບໍລິໂພກ ແລະ ຜູ້ອຸປະໂພກ ມີຄວາມເປັນເອກະພາບກັນ. ໃນວັນທີ 10 ມິຖຸນາ 2019 ຂະແໜງ ມາດຕະຖານ ແລະ ວັດແທກ ໄດ້ລົງປະສານສົມທົບກັບ ເຈົ້າຂອງໂຮງງານ ແຕ່ລະບ່ອນເພື່ອກວດກາຜະລິດຕະພັນນໍ້າດື່ມທີ່ໂຮງງານໄດ້ຜະລິດແລະ ຈໍາໜ່າຍນໍ້າດື່ມໃນແຕ່ລະ ຂະໜາດບັນຈຸ ເພື່ອວັດແທກຄວາມຈຸຂອງນໍ້າ ວ່າມັນໄດ້ມາດຕະຖານຕາມການໂຄສະນາທີ່ສະຫຼາກໄດ້ກໍານົດໄວ້ແລ້ວບໍ່.

ໃນນີ້ໂຮງງານນໍ້າດື່ມດອກເກດ ກໍ່ເປັນໂຮງງານໜຶ່ງ ທີ່ຕັ້ງຢູ່ບ້ານ ມົກກະຈອກ, ເມືອງຫ້ວຍຊາຍ, ແຂວງບໍ່ແກ້ວ ທີ່ສາມາດຜະລິດນໍ້າດຶ່ມ ຮັບໃຊ້ບໍລິການສັງຄົມໃນທົ່ວເທດສະບານແຂວງ ທີ່ມີຫຼາຍຂະໜາດບັນຈຸ ເຊັ່ນ ຂະໜາດ 300 ມລ, 150 ມລ, 18 ມລ ແລະ 20 ມລ; ເຊິ່ງການກວດກາຕົວຈິງຕາມຫຼັກການວິຊາການ ເຫັນວ່າ ຂະໜາດບັນຈຸ ຂອງແຕ່ລະຂະໜາດ ແມ່ນມີຄວາມຈຸທີ່ໃກ້ຄຽງຕາມມາດຕະຖານທີ່ນໍານົດໄວ້ ແລະ ເຈົ້າຂອງໂຮງງານໄດ້ໃຫ້ຮູ້ວ່າ ຂະບວນການຜະລິດນໍ້າດື່ມ ແມ່ນໄດ້ຜ່ານຫຼາຍຂັ້ນຕອນໂດຍສະເພາະຜ່ານການກັນຕອງຂອງລະບົບໂອໂຊນ ແລະ ສະຖານທີ່ກວ້າງຂວາງ ເປັນມິດຕໍ່ສິງແວດລ້ອມ.

ການລົງກວດກາຄັ້ງນີ້ ເຂົ້າຮ່ວມຂອງທ່ານ ໄພວັນ ສ້ອຍທອງ ຮອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ, ທ່ານ ກອງມີສຸດເທດລັດ ຫົວໜ້າ ຂະແໜງ ມາດຕະຖານ ແລະ ວັດແທກ ພ້ອມດ້ວຍວິຊາການ ທີ່ກ່ຽວຂ້ອງ.

  

   

 

ຂ່າວ ແລະ ພາບໂດຍ: ປະກາສິດ ທຳມະວົງ 

Last Updated on Tuesday, 11 June 2019 02:17