ໜ່ວຍພັກ ພວຕ ຈັດພິທີຮັບສະມາຊິກພັກສໍາຮອງ Print
Written by Administrator   
Tuesday, 09 April 2019 07:51

ຕອນບາຍຂອງວັນທີ 9 ເມສາ ໜ່ວຍພັກ ພະແນກ ວິທະຍາສາດ ແລະ ເຕັກໂນໂລຊີ ແຂວງ ບໍ່ແກ້ວ ໄດ້ຈັດພິທີ ເລື່ອນມະຫາຊົນກກ້າວໜ້າ ຂຶ້ນ ເປັນສະມາຊິກພັກ ສໍາຮອງ 3 ສະຫາຍ, ຍິງ 2 ສະຫາຍ ຢູ່ທີ່ຫ້ອງປະຊຸມ ພວຕ ແຂວງ ບໍ່ແກ້ວ.

ໂດຍການເຂົ້າຮ່ວມ ຂອງສະຫາຍ ຄອນໄຊ ສະຕິ ເລຂາໜ່ວຍພັກ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ມີຄະນະພັກ, ສະມາຊິກພັກສົມບູນ, ສໍາຮອງ ແລະ ຕ່າງໜ້າຄະນະຈັດຕັ້ງແຂວງເຂົ້າຮ່ວມ; ສະຫາຍ ວິໄລເອກ ໄຊສະຫງວນ ຄະນະຈັດຕັງພິທີໄດ້ຂຶ້ນຜ່ານ ມະຕິຕົກລົງ ຂອງຄະນະປະຈໍາພັກແຂວງ ວ່າດ້ວຍການ ຮັບເອົາມາຫາຊົນກ້າວໜ້າທັງ 3 ສະຫາຍ ເລື່ອນຂຶ້ນເປັນສະມາຊິກພັກຮໍາຮອງ ຕາມລະບຽບ ກົດໝາຍຂອງພັກປະຊາຊົນ ປະຕິວັດລາວ 1. ສະຫາຍ ກຽດແສງ ວັນນະຈອມຈັນ, 2. ສະຫາຍ ນາງ ສຸທິພອນ ພູລິຈັນ, 3. ສະຫາຍ ນາງ ນາລີ ມຸງວິໄລ, ເຊິ່ງທັງ 3 ສະຫາຍ ໄດ້ຜ່ານການຝືກຝົນຫຼໍ່ຫຼອມຕົນເອງ ຈົນການເປັນມະຫາຊົນຜູ້ທີ່ດີເດັ່ນ, ເປັນທີ່ໄວ້ເນື້ອເຊື່ອໃຈຂອງການຈັດຕັ້ງພັກ ແລະ ເປັນແບບຢ່າງໃຫ້ແກ່ມະຫາຊົນ, ສະນັ້ນຄະນະພັກ ພວຕ ຈີ່ງໄດ້ສະເໜີ ເອົາພວກກ່ຽວ ທັງ 3 ສະຫາຍ ເຂົ້າເປັນສະມາຊິກພັກປະຊາຊົນ ປະຕິວັດລາວ ແລະ ຈັດພິທີຮັບຮອງເອົາຢ່າງເປັນທາງການ.

ໃນໂອກາດດຽວກັນນີ້ ສະຫາຍ ຄອນໄຊ ສະຕິ ເລຂາໜ່ວຍພັກ ພວຕ ໄດ້ໃຫ້ກຽດໂອ້ລວມຕໍ່ສະມາຊິກພັກສໍາຮອງໃໝ່ທັງ 3 ສະຫາຍ, ເຊິ່ງມີເນື້ອໃນທີ່ເຕັມໄປດ້ວຍຄວາມໝາຍ ແລະ ຄວາມສໍາຄັນ ຂອງການຊີ້ນໍາ ນໍາພາພາຍໃນພັກໃຫ້ມີຄວາມເຂັ້ມແຂງໜັກແໜ້ນ ປະຕິ ບັດລະບຽບຂອງພັກໃຫ້ເຂັ້ມງວດ ຕາມ 5 ຫຼັ້ກການ ແລະ 3 ທິດນໍາ ຂອງພັກໄດ້ວາງໄວ້, ນອກຈາກນີ້ ສະມາຊິກພັກໃໝ່ ຕ້ອງໄດ້ເພີ້ມທະວີຄວາມເປັນເຈົ້າການໃນການຄົ້ນຄວ້າ, ຮໍ່າຮຽນ, ເປັນແບບຢ່າງໃຫ້ກັບມະຫາຊົນ ສຶບຕໍ່ອອກແຮງແຂງຂັນໃຫ້ກ້າວເປັນສະມາຊິກພັກສົມບຸນໃນຕໍ່ໜ້າ.

  

  

  

ຂ່າວ ແລະ ພາບໂດຍ: ປະກາສິດ ທໍາມະວົງ 

 

Last Updated on Tuesday, 09 April 2019 08:43