ພິທີ ສະຫຼຸບຜົນການລົງຝືກງານ ຂອງນັກສຶກສາ Print
Written by Administrator   
Monday, 08 April 2019 01:39

ວັນທີ 5 ເມສາ ຢູ່ທີ່ພະແນກ ວິທະຍາສາດ ແລະ ເຕັກໂນໂລຊີ ແຂວງ ບໍ່ແກ້ວ ຈັດພິທີສະຫຼຸບຜົນສໍາເລັດຂອງການລົງຝືກງານ ຂອງນ້ອງນັກສຶກສາ ວິທະຍາໄລ ທອງສະບາ ບໍ່ແກ້ວ ທັງ 7 ນ້ອງ.

ໃຫ້ກຽດຂອງຮ່ວວມ ຂອງທ່ານ ໄພວັນ ສ້ອຍທອງ ຮອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີແຂວງ, ມີບັນດາຫົວໜ້າ ຂະແໜງ, ຮອງຂະແໜງ, ວິຊາການ, ຄະນະຮັບຜິດຊອບຊີ້ນໍານັກສຶກສາ ແລະ ນ້ອງນັກສຶກສາເຂົ້າຮ່ວມ. ໃນພິທີ ຕ່າງໜ້ານ້ອງນັກສຶກສາ ໄດ້ຂຶ້ນນໍາສະເໜີ ບົດລາຍງານ ຂອງການເຄື່ອນໄຫວ ຈັດຕັ້ງປະຕິບັດ ໃນຊ່ວງໄລຍະ ຂອງການລົງຝຶກງານ ໃນຈໍານວນ 2 ເດືອນ ກວ່າ, ເຊິ່ງໄດ້ສະແດງອອກ ດ້ານດີຜົນໄດ້ຮັບ ແລະ ດ້ານຄົງຄ້າງທີ່ຈະຕ້ອງໄດ້ເອົາໃຈໃສ່ໃນຕໍ່ໜ້າ ແລະ ເປັນການເກັບກ່ຽວປະສົບການຂອງນ້ອງນັກສຶກສາ ແຕ່ລະໜ້າວຽກ ເປັນຕົ້ນພາລະບົດບາດ, ສິດ ແລະ ໜ້າທີ່ ຂອງພະແນກ ວິທະຍາສາດ ແລະ ເຕັກໂນໂລຊີ ກໍ່ຄືໜ້າທີຂອງແຕ່ລະຂະແໜງການມີທັງດ້ານທິດສະດີ ແລະ ການຈັດຕັງປະຕິບັດຕົວຈິງ.

ຈາກນັ້ນ ທ່ານ ວິໄລເອກ ໄຊສະຫງວນ ຫົວໜ້າ ຂະແໜງ ບໍລິຫານ-ຈັດຕັ້ງ (ພວຕ) ໄດ້ຜ່ານບົດສະຫຼຸບຂອງການຈັດຕັ້ງປະຕິບັດ ຂອງນັກສຶກສາຝຶກງານ ໃນຊ່ວງໄລຍະຝືກງານຢູ່ນໍາ ພະແນກ ກໍ່ຄືແຕ່ລະຂະແໜງການ, ເຊິ່ງໄດ້ສະແດງເຖິງການເອົາໃຈໃສຂອງຄະນະພັກ, ຄະນະນໍາ ຂອງພະແນກ ໄດ້ແບ່ງຄວາມຮັບຜິດຊອບໃຫ້ແຕ່ລະບຸກຄົນໃນການຊີ້ນໍາ ນໍາພານັກສຶກສາຝຶກງານ ຈົນໄດ້ຮັບຜົນສໍາເລັດ, ແຕ່ກໍ່ຍັງມີບາງຈຸດທີ່ຈະຕ້ອງສຶບຕໍ່ແກ້ໄຂໃຫ້ດີກວ່າເກົ່າ ເພື່ອເປັນບົດຮຽນໃນການຮັບເອົານັກສຶກສາ ຝຶກງານໃນຊຸດຕໍ່ໄປ.

ທ່ານ ໄພວັນ ສ້ອຍທອງ ຮອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງໄດ້ ມີຄໍາເຫັນໂອ້ລວມ ເພື່ອເປັນທິດເຍື່ອງທາງໃຫ້ນ້ອງນັກສຶກສາ ທີ່ຈົບຈາກການຝືກງານ ເພື່ອຈະກ້າວ ໄປສູ້ການປະກອບອາຊີບ ຂອງແຕ່ລະນ້ອງ, ເຊິ່ງທ່ານໄດ້ຍ້ອງຍໍຊົມເຊີຍ ແລະ ຕີລາຄາສູງ ໃນການປະສານສົມທົບ ແລະ ເຮັດໃຫ້ວຽກງານດັ່ງກ່າວມີຜົນສໍາເລັດ ເຖິງແນວໃດກໍ່ດີ ດ້ານຍັງໄດ້ຮຽກຮ້ອງມາຍັງນັກສຶກສາ ໃຫ້ເອົາໃຈໃສ່ຢ່າງຕັ້ງໜ້າ ໃນການຮໍ່າຮຽນເອົາ ວິຊາຄວາມຮູ້, ວິຊາສະເພາະ ໂດຍຕິດພັນກັບ ແນວທາງນະໂຍບາຍຂອງພັກ-ລັດ ຖະບານທີ່ມີການປ່ຽນແປງແຕ່ລະໄລຍະ ໃຫ້ຄົ້ນຄ້ວາຢ່າງກ້ວາງຂວາງ ຮູ້ໃຫ້ເລິງເຊິ່ງ ເພື່ອຈະນໍາເອົາຄວາມຮູ້ປະສົບການທີ່ໄດ້ເກັບກ່ຽວມານັ້ນ ໄປຜັນຂະຫຍາຍ ເຂົ້າໃນຂົງເຂດວຽກງານ ໃນອານາຄົດ.

ໃນພິທີ ໄດ້ມອບຮັບໃບຢັ້ງຢືນ ເພື່ອເປັນການ ອ້າງອີງ ແລະ ເປັນຫຼັກຖານ ໃນການລົງຝຶກງານ ໃຫ້ກຽດມອບໂດຍທ່ານ ໄພວັນ ສ້ອຍທອງ ຮອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງ ຮັບໂດຍນ້ອງນັກສຶກສາທັງ 7 ນ້ອງ, ຍິງ 4 ນ້ອງ.

  

   

 

ຂ່າວ ແລະ ພາບໂດຍ: ປະກາສິດ ທໍາມະວົງ 

Last Updated on Monday, 08 April 2019 02:46