ພວຕ ບໍ່ແກ້ວ ທາບທາມບຸກຄະລາກອນ ດຳລົງຕໍ່າແໜງທີ່ຍັງຫວ່າງ Print
Written by Administrator   
Monday, 18 March 2019 01:11

ເພື່ອຕອບສະໜອງຕາມຄວາມຮຽກຮ້ອງຕ້ອງການ ຂອງໜ້າທີ່ການເມືອງ ເອົາບຸກຄະລາກ່ອນດໍາລົງຕໍ່າແໜງບໍລິຫານ ປະເພດ 4, 5 ແລະ ປະເພດ 6 ຊັບຊ້ອນໃຫ້ຄົບຕາມໂຄງປະກອບ.

ວັນທີ 15 ມີນາ 2019 ນີ້ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ເປີດກອງປະຊຸມທາມທາບບຸກຄະລາກອນ ຕາມດໍາລັດ 461 ຂຶ້ນ ຢູ່ທີ່ຫ້ອງປະຊຸມ ພະແນກ ວິທະຍາສາດ ແລະ ເຕັກໂນໂລຊີແຂວງ, ໂດຍການເຂົ້າຮ່ວມ ຂອງທ່ານ ແສງເພັດ ແກ້ວສິງທອງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ, ມີແຂກຮັບເຊີນ ພະນັກງານ-ລັດຖະກອນເຂົ້າຮ່ວມ, ທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງ ບໍ່ແກ້ວ ປະທານກອງປະຊຸມ ກ່າວວ່າ ກອງປະຊຸມຄັ້ງນີ້ແມ່ນຈະໄດ້ເຊື່ອມຊຶມ ດໍາລັດ 461 ວ່າດ້ວຍມາດຕະຖານຕໍາແໜງບໍລິຫານ ຂອງລັດຖະກອນ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ເປັນບ່ອນອີງໃຫ້ແກ່ການຈັດຕັ້ງ ພັກ-ລັດ ແລະ ການຊັບຊ້ອນ ບັນຈຸແຕ່ງຕັ້ງພະນັກງານ-ລັດຖະກອນ ດໍາລົງຕໍາແໜງບໍລິຫານຕ່າງໆ ໃຫ້ມີຄວາມເໝາະສົມ ແລະ ແທດເໝາະກັບສະພາບຄວາມເປັນຈີງ ຕ້ອງໄດ້ເຊີດຊູເປັນເຈົ້າການເລືອກເຟັ້ນ ເອົາບຸກຄະລາກອນທີ່ມີມາດຖານ ເງື່ອນໄຂຄົບຖວ້ນ ມາດໍາລົງຕໍາແໜງດັ່ງກ່າວ.

ທ່ານ ແສງເພັດ ແກ້ວສີງທອງ ຄະນະປະຈໍາ ພັກແຂວງ ຫົວໜ້າ ຄະນະຈັດຕັ້ງແຂວງ ໄດ້ເຜີຍແຜ່ດໍາລັດ 461 ວ່າດ້ວຍ ມາດຕະຖານຕໍາແໜງ ບໍລິຫານ ຂອງລັດຖະກອນ ແຫ່ງ ສປປ ລາວ ທ່ານໄດ້ຍົກໃຫ້ເຫັນ ຄຸນລັກສະນະຂອງຜູ້ນໍາທີ່ດີ, ການນຳພາ, ການບໍລິຫານແມ່ນປະຕິບັດຄຽງຄູ່ກັນ ຈື່ງເຮັດໃຫ້ອົງກອນປະຕິບັດໜ້າທີ່ໄປຕາມເປົ້າໝາຍທີ່ວາງໄວ້ ຜູ້ນໍາຈະຕ້ອງເປັນຄົນທີ່ມີຄຸນສົມບັດ ສີນທໍາປະຕິວັດ, ຖະໜອມທ່ອມຕົນ ແລະ ຮຽນຮູ້ນໍາມະຫາຊົນ, ຜູ້ນໍາຕ້ອງມີວິໄສທັດ, ປະສົບການ ແລະ ເປັນນັກວາງແຜນຍຸດທະສາດ ມີວິໄສທັດຈະແຈ້ງສາມາດມອງເຫັນເສັ້ນທາງໃນອານາຄົດ ເຮັດໃຫ້ວິໄສທັດກາຍເປັນຈີງໄດ້, ຄຸນລັກສະນະແມ່ນມີີຄວາມສໍາຄັນຫຼາຍ ເຊິ່ງຈະກາຍເປັນໜຶ່ງໃນມາດຕະຖານ ຂອຕໍາແໜງບໍລິຫານ ຂອງລັດຖະກອນ ແລະ ສາມາດພະຍາກອນທ່າອ່ຽງໃນຕໍ່ໜ້າ ບົນພື້ນຖານຂໍ້ມູນທີ່ມີໃນປະຈຸບັນເປັນການວາງແຜນໃນການປະຕິບັດຕົວຈີງ.

ພ້ອມນັ້ນຍັງໄດ້ທາມທາບເອົາຕໍາແໜງບໍລິຫານປະເພດ 4 ຂັ້ນຮອງຫົວໜ້າ ພະແນກ 1 ທ່ານ,  ປະເພດ 5 ຫົວໜ້າ ຂະແໜງ 2 ທ່ານ ແລະ ປະເພດ 6 ຂັ້ນຮອງຫົວໜ້າ ຂະແໜງ 1 ທ່ານ, ນີ້ກໍ່ເພື່ອເປັນການຊັບຊ້ອນ, ບັນຈຸ, ແຕ່ງຕັ້ງພະນັກງານ-ລັດຖະກອນດໍາລົງຕໍ່າແໜ່ງຕ່າງໆ ເພື່ອໃຫ້ມີຄວາມເໝາະສົມ ແລະ ແທດເໝາະກັບສະພາບຄວາມເປັນຈີງ. 

  

 

ຂ່າວ ແລະ ພາບໂດຍ: ປະກາສິດ ທໍາມະວົງ 

Last Updated on Monday, 18 March 2019 06:42