ໜ່ວຍສະຫະພັນແມ່ຍິງ ພວຕ ບໍ່ແກ້ວໄດ້ສໍາເລັດກອງປະຊຸມໃຫຍ່ຄັ້ງທີ່ 2 ຂອງຕົນ Print
Written by Administrator   
Monday, 11 March 2019 01:52

ໃນວັນທີ 5 ມີນາ 2019 ໜ່ວຍສະຫະພັນແມ່ຍິງ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ສໍາເລັດກອງປະຊຸມໃຫຍ່ຄັ້ງທີ່ 2 ຂອງຕົນ. ໂດຍການເປັນປະທານ ຂອງສະຫາຍ ນາງ ສຸທິພອນ ພູລີຈັນ ເລຂາໜ່ວຍສະຫະພັນແມ່ຍິງ ພວຕ, ໃຫ້ກຽດເຂົ້າຮ່ວມ ຂອງສະຫາຍ ນາງ ສົມແປງ ໃຈຍາສັກ ກໍາມະພັກແຂວງ ເລຂາຄະນະບໍລິຫານງານ ສະຫະພັນແມ່ຍິງແຂວງ ບໍ່ແກ້ວ, ສະຫາຍ ຄອນໄຊ ສະຕິ ເລຂາ ໜ່ວຍພັກ ພະແນກ ວິທະຍາສາດ ແລະ ເຕັກໂນໂລຊີ ແຂວງ, ມີຕາງໜ້າ ອົງການຈັດຕັ້ງຊາວໜຸ່ມ, ກໍາມະບານ, ໜ່ວຍສະຫະພັນແມ່ຍິງອ້ອມຂ້າງ ແລະ ສະມາຊິກແມ່ຍິງເຂົ້າຮ່ວມ.

ປະທານສະຫະແມ່ຍິງ ພະແນກ ວິທະຍາສາດ ແລະ ເຕັກໂນໂລຊີ ແຂວງ ໄດ້ຜ່ານບົດສະຫຼຸບຕີລາຄ່າຂື້ນຜົນຂອງການຈັດຕັ້ງປະຕິບັດຂອງກອງປະຊຸມໃຫຍ່ຄັ້ງທີ 2 ໄລຍະ 3ປີ ແລະ ທິດທາງແຜນການຂອງສະຫະພັນແມ່ຍິງ 5 ປີ ໃນຕໍໜ້າ, ໜ່ວຍສະຫະພັນແມ່ຍິງ ພະແນກ ວິທະຍາສາດ ແລະ ເຕັກໂນໂລຊີແຂວງບໍ່ແກ້ວຕະຫຼອດໄລຍະຜ່ານມາແມ່ນໄດ້ເອົາໃຈໃສ່ຕໍ່ວຽກງານທາງດ້ານການເມືອງແນວຄິດ, ວຽກງານປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ, ວຽກງານການພັດທະນາຊີວິດການເປັນຢູ່ຂອງຄອບຄົວ ເພື່ອແກ້ໄຂຄວາມທຸກຍາກການປຸກລະດົມການເຂົ້າຮ່ວມພະລະກິດປົກປັກຮັກສາ ແລະ ສ້າງສາພັດທະນາປະເທດຊາດ ວຽກງານປ້ອງກັນຊາດ, ວຽກງານປ້ອງກັນຄວາມສະຫງົບໃຫ້ຄຽງຄູ່ກັບວຽກງານເສດຖະກິດເພື້ອເພີມພູນນຜະລິດຜົນກໍຄື: ການປູກ, ການລຽງ ເຮັດໃຫ້ເສດຖະກິດຄອບຄົວໄດ້ຮັບການພັດທະນາດີຂື້ນ. ຕິດພັນກັບວຽກງານວິຊາສະເພາະແມ່ນໄດ້ປະຕິບັດຕາມພະລະບາດສິດ ແລະ ໜ້າທີຂອງຕົນເພື່ອເຮັດໃຫ້ສອດຄອງກັບໜ້າທີວຽກງານຂໍແຂງຂັນ 3 ດີ ໃຫ້ບັນລຸເປົ່າໝາຍທີ່ໄດ້ກຳນົດໄວ້ ກອງປະຊຸມໄດ້ປ້ອນບັດຄັດເລືອກເອົາຄະນະປະທ່ານຊຸດໃໜ່, ເຊິງມີຜູ້ສະໜັກ 5 ສະຫາຍເລືອກເອົາ 3 ສະຫາຍ ຜ່ານການປ່ອນບັດເລືອກໄດ້ ສະຫາຍ ນາງທອງສະໝຸດ ຄຳພະວົງ ເປັນປະທານໜ່ວຍສາຫະພັນແມ່ຍິງຊຸດໃຫມ່, ສະຫາຍ ນາງ ອຳຄາ ແບ່ງທະວີ ເປັນຮອງ ແລະ ສະຫາຍ ນາງ ນາລີ ມຸງວິໄລ ເປັນຄະນະ ທັງ 3 ສະຫາຍຄະນະຊຸດໃໝ່ ແມ່ນຈະໄດ້ສຶບຕໍ່ຊີ້ນໍາ ນຳພາວຽກງານໃນຕໍ່ໜ້າ. ສະຫາຍ ນາງ ສົມແປງ ໃຈຍາສັກ ກຳມະການພັກແຂວງ ປະທານສະຫາພັນແມ່ຍິງແຂວງ ໄດ້ມີຄຳເຫັນເໜັ້ນໜັກຄະນະຊຸດໃໝ່ຈົ່ງສຶບຕໍ່ ເພີ່ມທະວີ ຊີ້ນໍາ ນຳພາວຽກງານຂໍແຂງຂັນ 3 ດີໃຫ້ເລິກເຊີງເຖິງທ້ອງມີຄວາມສາມັກຄີພາຍໃນ, ພາຍນອກ ຊ່ວຍເຫຼືອເຊິ່ງກັນ ແລະກັນພ້ອມກັນສ້າງຂະບວນການຕ່າງໆໃຫ້ມີຄວາມຝົດຝືນຫຼາຍກວ່າເກົ່າ.

          ຫຼັງຈາກກອງປະຊຸມໃຫຍ່ຄັ້ງທີ 2 ຂອງໜ່ວຍສະຫະພັນແມ່ຍິງ ພວຕ ສີ້ນສຸດລົງ ພ້ອມດຽວກັນນັ້ນ ກໍ່ໄດ້ຈັດພິທີ ປະກາດຮັບຮອງ ເອົາໜ່ວຍ ສະຫະພັນແມ່ຍິງ ພວຕ ແຂວງ ເປັນໜ່ວຍສະຫະພັນແມ່ຍິງ 3 ດີ ເປັນສະໄໝທີ່ 2 ໃຫ້ກຽດມອບ-ຮັບໂດຍ ສະຫາຍ ນາງ ສົມແປງ ໃຈຍາສັກ ກໍາມະການພັກແຂວງ ເລຂາຄະນະບໍລິຫານງານ ສະຫະພັນແມ່ຍິງ ແຂວງ ຮັບໂດຍ ສະຫາຍ ນາງ ສຸທິພອນ ພູລິຈັນ.

 

 

 

 

ຂ່າວ ແລະ ພາບໂດຍ: ປະກາສິດ ທຳມະວົງ

 

 

 

Last Updated on Monday, 11 March 2019 07:23