ຂະແໜງ ມາດຕະຖານ ວັດແທກ, ພວຕ ບໍ່ແກ້ວ ລົງກວດຊິງຊັງຄໍາ ໃນທົວແຂວງ Print
Written by Administrator   
Friday, 01 March 2019 06:29
 
ໃນວັນທີ່ 28 ກຸມພາ 2019 ຂະແໜງ ມາດຕະຖານ ແລະ ການວັດແທກ, ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ລົງຕິດຕາມກວດກາ, ກວດສອບ, ສອບທຽບ ຊິງຊັງວັດທຸມີຄ່າ (ເງິນ-ຄໍາ) ຢູ່ຕາມທ້ອງຕະຫຼາຍໃນທົ່ວເທດສະບານແຂວງບໍ່ແກ້ວ, ໃນນີ້ໄດ້ຖືເອົາ ຮ້ານຂາຍເງິນ-ຄຳ ນາງວຽງເງິນ ທີ່ຕັ້ງຢູ່ຕະຫຼາດ ສີດອນມີ, ບ້ານພິບຸນທອງ, ເມືອງຫ້ວຍຊາຍ, ແຂວງບໍ່ແກ້ວ ເປັນຈຸດເປີດພິທີ ເຂົ້າຮ່ວມດ້ວຍທ່ານ ໄພວັນ ສ້ອຍທອງ ຮອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ມີເຈົ້າຂອງຮ້ານຂາຍເງິນ-ຄໍາ ແລະ ວິຊາການ ຂະແໜງ ມາດຕະຖານ ແລະ ການວັດແທກເຂົ້າຮ່ວມ.
 ການຈັດຕັ້ງປະຕິບັດຄັ້ງນີ້ ໄດ້ຖືເອົາການກວດກາປະຈໍາປີ ເປັນປົກກະຕິ ເພື່ອເຮັດໃຫ້ຊິງຊັງ ວັດທຸມີຄ່າ (ເງິນ-ຄໍາ) ມີຄວາມຖືກຕ້ອງ ສອດຂ້ອງກັບມາດຕະຖານ ທີ່ໄດ້ກໍານົດໄວ້ນັ້ນ ທາງວິຊາການ ຂະແໜງມາດຕະຖານ ແລະ ການວັດແທກ ແມ່ນໄດ້ເອົາໃຈໃສ່ ໃນການຈັດຕັ້ງປະຕິບັດຢ່າງກົງໄປກົງມາ ດ້ວຍຄວາມຮັບຜິດຊອບສູງ ແລະ ຕໍ່ກັບເຈົ້າຂອງຮ້ານຜູ້ປະກອບການ ແມ່ນໄດ້ໃຫ້ຄວາມຮ່ວມມື້ເປັນຢ່າງດີ. 
ໃນນີ້ຮ້ານຂາຍເງິນ-ຄໍາ ຂອງນາງວຽງເງິນ ກໍ່ແມ່ນຮ້ານໜຶ່ງທີ່ໄດ້ຮັບການກວດກາ ເຫັນວ່າຊິງຊັງຮ້ານດັ່ງກ່າວ ແມ່ນມີຄວາມ ຖືກຕ້ອງ ຕາມທີ່ໄດ້ກໍານົດໄວ້ ໃນມາດຕະຖານ, ເຈົ້າຂອງຮ້ານຍັງໄດ້ອະທິບາຍເຖິງຄຸນນະພາບຂອງເງິນ-ຄໍາ ທີ່ໄດ້ນໍາມາຂາຍ ແລະ ຈໍາໜ່າຍແມ່ນມີຄຸນນະພາບສູງ ເປັນເງິນ-ຄໍາທີ່ຜ່ານການກັນຕອງ ແລະ ກັກ ເພື່ອໃຫ້ໄດ້ຄຸນນະພາບ ເປັນຄໍາ 999.9 ເປີເຊັນຂຶ້ນໄປ ຖ້າທຽບໃສ່ຫຼາຍໆ ຫ້າງຮ້ານແມ່ນມີຄຸນນະພາບດີກວ່າ ເປັນທີນິຍົມຂອງລູກຄ່າ ທີ່ມາບໍລິການຊື້-ຂາຍ, ແລກປ່ຽນ ອີກຢ່າງທາງຮ້ານ ຍັງມີໃບຮັບປະກັນຫຼັງການຂາຍ ເຊິ່ງລະບຸລາຍລະອຽດຂອງຄໍາອີກດ້ວຍ.
 
ຂ່າວ ແລະ ພາບໂດຍ: ປະກາສິດ ທໍາມະວົງ 
 
Last Updated on Friday, 01 March 2019 07:02