ພວຕ ບໍ່ແກ້ວສ້າງຄວາມເຂັ້ມແຂງໃຫ້ພະນັກງານ-ວິຊາການຂອງຕົນ Print
Written by Administrator   
Wednesday, 27 February 2019 01:55

ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ສ້າງຄວາມເຂັ້ມແຂງ ໃຫ້ພະນັກງານ-ວິຊາການ ຂອງຕົນໃນການນໍາໃຊ້ເຕັກໂນໂລຊີທີ່ທັນສະໄໝປະກອບເຂົ້າໃນໜ້າທີ່ວຽກງານໃຫ້ມີຄວາມເຂັ້ມແຂງ ແລະ ສະດວກວອງໄວຂຶ້ນກວ່າເກົ່າ.

ໃນວັນທີ 26 ກຸ່ມພາ 2019 ຂະແໜງ ເຕັກໂນໂລຊີ ຂໍ້ມູນຂ່າວສານ (ພວຕ) ໄດ້ຈັດພິທີຝຶກອົບຮົມ ສ້າງຄວາມເຂັ້ມແຂງໃຫ້ພະນັກງານວິຊາການ ໃນຂະແໜງການ ວິທະຍາສາດ ແລະ ເຕັກໂນໂລຊີຂຶ້ນ ຢູ່ທີ່ຫ້ອງປະຊຸມພະແນກ ວິທະຍາສາດ ແລະ ເຕັກໂນໂລຊີແຂວງ, ໂດຍເຂົ້າເປັນປະທານກ່າວເປີດພິທີ ຂອງທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ເຂົ້າຮ່ວວມຝຶກອົບ ປະກອບມີ ຫົວໜ້າຂະແໜງ, ຮອງຂະແໜງ, ວິຊາການພາຍໃນພະແນກ, ວິຊາການຫ້ອງການ ວຕ ເມືອງ ແລະ ນັກສຶກຝຶກງານ ເຂົ້າຮ່ວມທັງໝົດມີ 26 ຄົນ, ຍິງ 10 ຄົນ.

ຫົວຂໍ້ນໍາມາຝຶກອົບຮົມໃນຄັ້ງນີ້ປະກອບມີ: ວິທີການຮັບສົ່ງຟາຍເອກະສານດ້ວຍລະບົບເຄື່ອຂ່າຍ, ການແຊວິນໂດ, ການແຊ່ປີນເຕີ, ລະບົບການປ້ອງກັນໄວຣັດ-ໄວຣັດເຊື່ອງຟາຍ ແລະ ວິທີການຂຽນຂ່າວ ລົງໜັງສືພີມ ແລະ ເວັບໄຊ໌ ການຝຶກອົບຮົມດັ່ງກ່າວ ໄດ້ຖືເອົາການຈັດຕັ້ງປະຕິບັດວຽກງານ ແລະ ຂໍ້ຄົງຄ້າງຕົວຈີງ ທີ່ພະນັກງານ-ວິຊາການໄດ້ພົບປັນຫາ ສະນັ້ນຈື່ງໄດ້ຝຶກອົບຮົມຄັ້ງນີ້ຂຶ້ນ ເພື່ອສ້າງໃຫ້ພະນັກງານ-ວິຊາການ ມີຄວາມຮູ້ຄວາມສາມາດທີ່ແນ່ນອນ ດ້ານການນໍາໃຊ້ ຄອມພີວເຕີ ເຂົ້າຊ່ວຍໃນໜ້າທີ່ວຽກງານໃຫ້ມີຄວາມຊໍານິຊໍານານ, ຂໍ້ມູນມີຄວາມປອດໄພ. ຈາການຝຶກອົບຮົມຕົວຈີງສາມາດປະເມີນຄວາມເຂົ້າໃຈຂອງພະນັກງານ-ວິຊາການ ເຮັດໄດ້ຕີເປັນເປີເຊັນແມ່ນ 87% ຂຶ້ນໄປ.

  

 

ຂ່າວ ແລະ ພາບໂດຍ: ປະກາສິດ ທໍາມະວົງ 

Last Updated on Wednesday, 27 February 2019 03:31