ພວຕ ເຂົ້າອວຍພອນ ນາຍແລະພົນທະຫານ ເນື່ອງໃນໂອກາດວັນສ້າງຕັ້ງກອງທັບ ປປລາວ ຄົບຮອບ 70 ປີ Print
Written by Administrator   
Monday, 14 January 2019 01:14
 
ວັນທີ 12 ມັງກອນ 2019 ທີ່ຜ່ານມາ ຄະນະພັກ ຄະນະນໍາ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ພ້ອມດ້ວຍພະນັກງານຂອງຕົນ ເຂົ້າຮ່ວມອວຍພອນ ນາຍ ແລະ ພົນທະຫານ ຢູ່ກອງບັນຊາການ ທະຫານແຂວງບໍ່ແກ້ວ ເນື່ອງໃນໂອກາດ ວັນສ້າງຕັ້ງ ກອງທັບ ປະຊາຊົນລາວ ຄົບຮອບ 70 ປີ.
ເພື່ອເປັນການລະນຶກເຖິງມູນເຊື້ອ ອັນພິລະອາດຫານ ແລະ ເປັນຂວັນກໍາລັງໃຈໃຫ້ແກ່ ນາຍ ແລະ ພົນທະຫານ, ພ້ອມທັງອ້າຍນ້ອງທະຫານທີ່ພວມກຳລັງປະຕິບັດໜ້າທີ່ຕາມຊາຍແດນ ເປັນຮົ່ວປ້ອງກັນປະເທດຊາດ; ຄະນະພັກ ຄະນຳ ກອງບັນຊາການ ທະຫານແຂວງບໍ່ແກ້ວ ຈຶ່ງໄດ້ຈັດພິທີ ອວຍພອນ ຂຶ້ນໃນວັນທີ 12 ມັງກອນ 2019 ຢູ່ທີ່ ສະໂມສອນ ທະຫານແຂວງ. ມີຄະນະພັກ, ຄະນະນຳ ແຕ່ລະພະແນກການ, ອົງການທຽບເທົ່າຂັ້ນແຂວງ, ບໍລິສັດ, ຜູ້ປະກອບການ, ໂຮງຮຽນ, ໂຮງໝໍ ເຂົ້າຮ່ວມອວຍພອນຢ່າງເປັນຂະບວນຟົດຟືນ. ໃນນີ້ພະແນກ ວິທະຍາສາດ ແລະ ເຕັກໂນໂລຊີ ແຂວງພວກເຮົາກໍ່ໄດ້ນໍາເອົາກະຕາ ຂອງຂວັນ ແລະ ໝີໄວໆ ຈໍານວນ 5 ແກັດ ເຂົ້າອວຍພອນ ແລະ ມອບໃຫ້ອ້າຍນ້ອງທະຫານ ທີ່ຢູແນວໜ້າ ເຮັດໜ້າທີີ່ປົກປັກຮັກສາ ຜືນແຜນດິນ ອັນຄົບຖ້ວນ ຂອງປະຊາຊົນລາວ ເວົ້າລວມ ເວົ້າສະເພາະ ແຂວງບໍ່ແກ້ວ ໃຫ້ຄົງຢູ່ຊົ່ວກາລະນານ.

 

   

  

ຂ່າວ ແລະ ພາບໂດຍ: ປະກາສິດ ທຳມະວົງ 

 

 
Last Updated on Monday, 14 January 2019 02:15