ພວຕ ແຂວງບໍ່ແກ້ວ ສໍາເລັດການປະເມີນຜົນການປະຕິບັດວຽກງານລັດຖະກອນ ປະຈໍາປີ 2018 Print
Written by Administrator   
Tuesday, 30 October 2018 08:04

  ເພື່ອເປັນການຕິດຕາມ ປະເມີນຜົນ ແລະ ຕີລາຄາຄືນ ການຈັດຕັ້ງການເຄື່ອນໄຫວ ຂອງລັດຖະກອນ ພາຍໃນພະແນກ ວິທະຍາສາດ ແລະ ເຕັກໂນໂລຊີ ໃນການຕິດຕາມ ກະຕຸກຊຸກຍູ້ວຽກງານ ພ້ອມທັງບຸກຄະລາກອນໄປພ້ອມກັນ.

ວັນທີ່ 30 ຕຸລາ 2018 ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ຈັດກອງປະຊຸມ ປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ ປະຈໍາປີ 2018 ຂຶ້ນ ຢູ່ທີ່ຫ້ອງປະຊຸມຂອງ ພວຕ ແຂວງ.

ໂດຍການເປັນປະທານ ກ່າວເປີດ ຂອງທ່ານ ຄອນໄຊ ສະຕິ ຫຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ມີຄະນະພະແນກ, ຫົວໜ້າຂະແໜງ, ຮອງຂະແໜງ, ພ້ອມດ້ວຍວິຊາການ ແລະ ຕ່າງໜ້າ ພະແນກ ພາຍໃນແຂວງ ແລະ ຕ່າງໜ້າ ຄະນະກວດກາພັກ-ລັດແຂວງ ເຂົ້າຮ່ວມ ທັງໝົດ 24 ທ່ານ, ຍິງ 7 ທ່ານ.

ກອງປະຊຸມໄດ້ຮັບຟັງການເຜີຍແຜ່ເຊື່ອມຊຶມ ກົດໝາຍວ່າດ້ວຍ ພະນັກງານ-ລັດຖະກອນ ເລກທີ 74/ສພຊ, ລົງວັນທີ 18 ທັນວາ 2015 ພຶດສະພາ 2018 ໃຫ້ກຽດຜ່ານໂດຍ ທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ, ຄຳແນະນໍາ ການຈັດຕັ້ງປະຕິບັດດໍາລັດວ່າດ້ວຍ ການປະເມີນຜົນການປະຕິບັດວຽກງານ ຂອງພະນັກງານ-ລັດຖະອນ ເລກທີ 06/ພນ, ລົງວັນທີ 2 ພຶດສະພາ 2018 ແລະ ຮັບຟັງການຜ່ານບົດສະຫຼຸບການຈັດຕັ້ງປະຕິບັດ ແລະ ເຄື່ອນໄຫວວຽກງານ ຂອງ ພວຕ ປະຈໍາປີ 2018.

ໃນທ້າມກາງບັນຍາການອັນຟົດຟື້ນ ຕາງໜ້າ ພະແນກ ພາຍໃນໄດ້ ມີຄຳາເຫັນ ແນະກໍາ ເຖີງວິທີການຈັດຕັ້ງປະຕິບັດ ດ້ວຍອີງໃສ່ລະບຽບການ ຂອງລັດຖະກອນໄດ້ກໍານົດໄວ້; ໃນການຈັດຕັ້ງປະຕິບັດ ພວກເຮົາໄດ້ ແບ່ງການປະເມີນອອກເປັນ 3 ໜ່ວຍ ເພື່ອສະດວກໃນການຈັດຕັງປະຕິບັດ ແລະ ການຕໍານິສົ່ງຂ່າວ, ຊ່ວຍເຫຼືອເຊິ່ງກັນ ແລະ ກັນ ດ້ວຍຄວາມຮັບຜິດຊອບສູງ. ຕໍ່ກັບການປະເມີນຜົນລັດຖະກອນໃນຄັ້ງນີ້ ເຫັນໄດ້ວ່າ ມີຄວາມຟົດຟື້ນກວ່າໄລຍະຜ່ານມາ ແລະ ສາມາດຕີລາຄາໄດ້ເຖີງຜົນສໍາເລັດ ແລະ ຄວາມເປັນເຈົ້າການ ໃນການຊີ້ນໍາ ນໍາພາ ຂອງຂັ້ນເທິງ ກໍ່ຄືຄະນະນຳ, ຄະນະແນກ ວຕ ທີ່ໄດ້ເອົາໃຈໃສ່ ປີ່ນອອ້ມທຸກຂະແໜງການພາຍໃນ ແລະ ກະຕຸກຊຸກຍູ້ ອ້າຍນ້ອງພະນັກງານ ປະຕິບັດຖືກຕາມລະບຽບກົດໝາຍ, ເຮັດວຽກສໍາຕາມການມອບໝາຍ ແລະ ມີຜົນສໍາເລັດເປັນກ້າວໆ.

   

ຂ່າວ ແລະ ພາບໂດຍ: ປະກາສິດ ທຳມະວົງ 

 

Last Updated on Tuesday, 30 October 2018 08:41