ໜ່ວຍພັກ ພວຕ ແຂວງບໍ່ແກ້ວ ເລື່ອນສະມາຊິກສໍາຮອງ ຂຶ້ນເປັນສະມາຊິກພັກສົມບູນ ແລະ ມອບບັດສະມາຊິກພັກ Print
Written by Administrator   
Monday, 17 September 2018 01:39
 
ຕອນບາຍຂອງວັນທີ 14 ກັນຍາ 2018 ໜ່ວຍພັກພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວໄດ້ຈັດພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ 01 ສະຫາຍ, ແລະ ພິທີມອບ-ຮັບບັດສະມາຊິກພັກ 02 ສະຫາຍ.
ໃຫ້ກຽດເປັນປະທານ ຂອງສະຫາຍ ຄອນໄຊ ສະຕິ ເລຂາໜ່ວຍພັກ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ມີຄະນະພັກ, ສະມາຊິກພັກສົມບູນ, ສໍາຮອງ ແລະ ແຂກທີ່ຖືກເຊີນຕາງໜ້າຄະນະຈັດຕັ້ງແຂວງ, ຕາງໜ້າຄະນະກວດກາພັກ-ລັດແຂວງເຂົ້າຮ່ວມ ທັງໝົດ 20 ສະຫາຍ, 04 ສະຫາຍ. ໃນພິທີ່ດັ່ງກ່າວໄດ້ ເລື່ອນເອົາ ສະຫາຍ ສຸລິນ ສີງທອງ ສະມາຊິກພັກສໍາຮອງ ທີ່ຜ່ານການ ຝຶກຝົນຫຼໍ່ຫຼອມຕົນເອງໃນໄລ່ຍະຜ່ານ ຈົນສາມາດຍາດໄດ້ຜົນງານ ແລະ ຄວາມໄວ້ເນື້ອເຊື່ອໃຈ ຈາກຄະນະພັກຂັ້ນເທິງ ຈື່ງໄດ້ຕົກລົງເລື່ອນຜູ້ກ່ຽວຂຶ້ນເປັນສະມາຊິກພັກສົມບູນ ຕາມລະບຽບການຂອງພັກ ປະຊາຊົນປະຕິວັດລາວ ດ້ວຍຈັດຂຶ້ນຢ່າງມີກຽດ.
ນອກນັ້ນໃນພິທີດັ່ງກ່າວຍັງໄດ້ຖືໂອກາດ ມອບ-ຮັບ ບັດສະມາຊິກພັກ ໃຫ້ສະມາຊິກພັກຈໍານວນ 2 ສະຫາຍ ຄື: ສະຫາຍ ນາງ ຈັນທີ ສິດທິພອນ ແລະ ສະຫາຍ ນາງ ອໍາຄາ ແບ່ງທະວີ, ເຊິງໃຫ້ກຽດມອບໃນຄັ້ງນີ້ໂດຍ ສະຫາຍ ຄອນໄຊ ສະຕິ ເລຂາໜ່ວຍພັກ ພະແນກ ວິທະຍາສາດ ແລະ ເຕັກໂນໂລຊີ, ຮັບໂດຍ 2 ສະຫາຍ ທີ່ໄດ້ຜ່ານການຝືກຝົນຫຼໍ່ຫຼອມຕົນເອງ ແລະ ຄວາມໄວ້ເນື້ອເຊື້ອໃຈ ຈາກຂະນະພັກຂັ້ນເທິງ ຈື່ງໄດ້ຕົກລົງອອກບັດສະມາຊິກພັກດັ່ງກ່າວໃຫ້ຜູ້ກ່ຽວທັງສອງສະຫາຍ.
ຕອນທ້າຍໄດ້ຮັບຟັງການໂອ້ລົມ ຂອງສະຫາຍ ຄອນໄຊ ສະຕິ ເລຂາໜ່ວຍພັກ ພະແນກ ວິທະຍາສາດ ແລະ ເຕັກໂນໂລຊີ, ເຊິ່ງສະຫາຍ ໄດ້ເໜັ້ນໜັກກ່ຽວກັບການເຂົ້າມາເປັນສະມາຊິກພັກ, ດ້ວຍສະເພາະສະມາຊິກພັກສົມບູນໃໝ່ ຕ້ອງໄດ້ເອົາໃຈໃສ່ ຝືກຝົນຫຼໍ່ຫຼອມຕົນເອງ ໃຫ້ມີຄວາມກ້າວໜ້າ ເປັນຜູ້ນຳພາທີ່ດີ ຢູ່ພາຍໃຕ້ກົດລະບຽບຂອງພັກ ແລະ ກົດໝາຍຂອງລັດ, ສຶບຕໍ່ເປັນເຈົ້າການໃນການຈັດຕັ້ງປະຕິບັດ ເປັນແບບຢ່າງທີ່ດີໃຫ້ກັບມະຫາຊົນກ້າວໜ້າ ເຮັດຫຼອນໜ້າທີ່ໆ ພັກ-ລັດມອບໝາຍໃຫ້ ບົນຫຼັກການລວມສູນປະຊາທິປະໄຕ.
ແລະ ສະຫາຍກໍ່ຍັງໄດ້ກ່າວເຖິງ ສະມາຊິກພັກທີ່ໄດ້ຮັບບັດສະມາຊິກພັກມື້ນີ້ ກໍ່ຕ້ອງໄດ້ອອກແຮງແຂ່ງຂັນ ເພີ້ມທະວີ ຄວາມເປັນເຈົ້າການ ໃນການນໍາພາ ແລະ ເຮັດວຽກເປັນເສນາທິການໃຫ້ແກ່ຂະຄະພັກຂັ້ນເທິງ ແລະ ສະຫາຍຍັງໄດ້ກ່າວຕື່ມອີກວ່າ ບັດສະມາຊິກພັກ ຂອງແມ່ນ ສະມາຊິກພັກເທົ່ານັ້ນທີ່ຈະມີສິດນໍາແລະໃຊ້ ແລະ ຕ້ອງເປັນຂອງບຸກຄົນ, ບໍ່ສາມາດເອົາໃຫ້ຜູ້ອື່ນໄປນໍາໃຊ້ ຕ້ອງຢູ່ໃນຄວາມຮັບຜິດຊອບຂອງຕົນເທົ່ານັ້ນ. 
 
 
 
  
 
ພາບ ແລະ ຂ່າວໂດຍ: ປະກາສິດ ທຳມະວົງ 
Last Updated on Monday, 17 September 2018 02:39