ຫວຕ ເມືອງຕົ້ນເຜິ້ງ ເປີດຝຶກອົບຮົບ IT ໃຫ້ຄູ່ສອນຊັ້ນປະຖົມພາຍໃນເມືອງຕົ້ນເຜິ້ງ Print
Written by Administrator   
Monday, 27 August 2018 03:43

ໃນລະຫວ່າງວັນທີ 6 - 16 ສີງຫາ 2018 ຫ້ອງການ ວິທະຍາສາດ ແລະ ເຕັກໂນໂລຊີ ເມືອງຕົ້ນເຜິ້ງ ໄດ້ເປີດຊຸດຝຶກອົບຮົມ ການນໍາໃຊ້ຄອມພີວເຕີ ໃຫ້ພະນັກງານຄູ່ສອນຊັ້ນປະຖົມໃນທົ່ວເມືອງຕົ້ນເຜິ້ງ.

ເມືອງຕົ້ນເຜິ້ງແມ່ນເມືອງໜື່ງ ຕັ້ງຢູ່ບໍລິເວນສາມຫຼຽມຄຳ ຫ່າງຈາກເທດສະບານແຂວງ ມາທາງທິດເໜືອປະມານ 52 km, ທິດເໜືອ ແລະ ທິດຕາເວັນອອກຕິດກັບເມືອງເມິງ, ທິດໃຕ້ຕິດກັບເມືອງຫ້ວຍຊາຍ, ທິດຕາເວັນຕົກຕິດກັບຣາຊາອານາຈັກໄທ ມີຊາຍແດນຮ່ວມກັນ 45 km ແລະ ປະເທດມຽນມາ 44 km.

ການເປີດຝຶກອົບຮົມການນຳໃຊ້ຄອມພີວເຕີໃຫ້ພະນັກງານ ຄູ່ສອນໃນຄັ້ງນີ້ ໂດຍໃຫ້ກຽດເປັນປະທານກ່າວເປີດ ຂອງທ່ານ ອິນຄຳ ແກ້ວນາລີ ກຳມະການພັກເມືອງ, ຫົວໜ້າຫ້ອງວ່າການເມືອງຕົ້ນເຜິ້ງ, ມີນັກສຳມະນາກອນເຂົ້າຮ່ວມທັງໝົດ 21 ທ່ານ, ຍິງ 11 ທ່ານ ທີ່ມາຈາກ 15 ໝວດໂຮງຮຽນ ແລະ 1 ຫ້ອງການເຂົ້າຮ່ວມ. ຫົວຂໍ້ທີ່ນຳມາຝືກອົບຮົມປະກອບມີ 5 ຫົວຂໍ້ໃຫຍ່ຄື: 1. ຄວາມຮູ້ພື້ນຖ່ານກ່ຽວກັບການນຳໃຊ້ຄອມພີວເຕີ, 2 . Microsoft Excel, 3. Microsoft Word, 4. Microsoft Powerpiont ແລະ 5. ການນໍາໃຊ້ອິນເຕີເນັດ ແລະ ການຮັບສົ່ງອີເມວ, ນອກຈາກຫົວຂໍ້ທີ່ກ່າວມາແລ້ວ ໄລຍະຂອງການຝຶກອົບຮົມຍັງໄດ້ມີການສົນທະນາໃນວຽກງານຕ່າງໆ ທີ່ຈຳເປັນ ລະຫ່ວາງ ນັກວິທະຍາກອນ ແລະ ນັກສຳມະນາກອນດື່ມອີກ.

ຜ່ານການຝຶກອົບຮົມເຫັນວ່າ ບົດຮຽນດັ່ງກ່າວແມ່ນສາມາດຕອບສະໜອງໄດ້ດີພໍ່ສົມຄວນ ໃນການທີ່ຈະນຳໄປປະກອບເຂົ້າກັບວຽກງານວິຊາສະເພາະຂອງຄູ່ສອນທີ່ມາຈາກໂຮງຮຽນຕ່າງ, ແລະ ຄະນະຮັບຜິດຊອບ ໄດ້ປະເມີນຕີລາຄາສູງ 90% ຂຶ້ນໄປ ຫຼັງຈາກສຳເລັດການຝືກອົບຮົມ ນັກສໍາມະນາກ່ອນທຸກທ່ານ ແມ່ນໄດ້ຮັບໃບຢັ້ງຢື່ນ ເພື່ອເປັນການຊີ້ວັດ ແລະ ນຳໄປຈັດຕັ້ງປະຕິບັດໃຫ້ໄດ້ຮັບຜົນດີ.

  

Last Updated on Monday, 27 August 2018 04:21