ລົງຢ້ຽມຢາມ ບໍລິສັດ ຜະລິດເຫຼັກກ້າ ຢູ່ແຂວງບໍ່ແກ້ວ Print
Written by Administrator   
Tuesday, 10 July 2018 11:02

ໃນວັນທີ 9 ກໍລະກົດ 2018 ພະແນກ ວິທະຍາສາດ ແລະ ເຕັກໂນໂລຊີ ແຂວງບໍແກ້ວໄດ້ລົງຢ້ຽມຢາມ ບໍລິສັດ ຮວາໄຊອຸດສາຫະກໍາເຫຼັກກ້າ ຈໍາກັດຜູ້ດຽວ, ທີ່ຕັ້ງຢູ່ ເຂດບ້ານທ່າຟ້າ, ເມືອງຫ້ວຍຊາຍ, ແຂວງບໍ່ແກ້ວ.

ການລົງຢ້ຽມຢາມໃນຄັ້ງນີ້ ນໍາທີມງານໂດຍ ທ່ານ ໄພວັນ ສ້ອຍທອງ ຫ້ອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ພ້ອມດ້ວຍຄະນະ, ຈຸດປະສົງຂອງການລົງພື້ນທີ່ໃນຄັ້ງນີ້ ກໍ່ເພື່ອຕິດຕາມຊຸກຍູ້ ຫົວໜ່ວຍທຸລະກິດ ທີ່ມາລົງທຶນພາຍໃນແຂວງ, ແລະ ເພື່ອຕິດຕາມຄຸ້ມຄອງ ໃຫ້ເຂົ້າສູ່ລະບຽບຫຼັກການເທື່ອລະກ້າວ.

ໃຫ້ກຽດຕ້ອນຮັບໂດຍ: ທ່ານ ວັນ ຈັນທະວົງ ຕາງໜ້າ ບໍລິສັດ ຮວາໄຊອຸດສາຫະກໍາເຫຼັກກ້າ ຈໍາກັດຜູ້ດຽວ ພ້ອມດ້ວຍ ທີມງານຂອງບໍລິສັດ ໄດ້ນໍາພາຄະນະທີມງານ ຂອງ ພວຕ ແຂວງ ລົງຢ້ຽມຢາມ ສະຖານທີ່ຜະລິດ ພ້ອມທັງໄດ້ຮັບຟັງການລາຍງານດ້ວຍລວມ ຂອງຫົວໜ້າຝ່າຍການຜະລິດ ຂອງບໍລິສັດ, ເຊິ່ງລາວໄດ້ໃຫ້ຮູ້ກ່ຽວກັບຈຸດປະສົງດ້ວຍລວມກໍ່ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມ, ເພື່ອມານໍາໃຊ້ພາຍໃນປະເທດ ລວມເຖິງການສົ່ງອອກ ທີ່ໄດ້ມາດຕະຖານ ແຫ່ງຊາດ, ແລະ ລາວຍັງໃຫ້ຮູ້ຕືມອີກວ່າ ຂະບວນການຜະລິດເບື້ອງຕົ້ນແມ່ນນຳເອົາເຫຼັກທີ່ບໍ່ໄດ້ໃຊ້ງານມາຜະລິດ ດ້ວຍຜ່ານຫຼາຍວິທີຂັ້ນຕອນ ເພື່ອເຮັດໃຫ້ເຫຼັກດັ່ງກ່າວ ມີຄວາມຍຶດຍຸນ ແລະ ກັບຄືນສູ່ສະພາບທີ່ດີ, ເຊິ່ງສາມາດນໍາມາ ຜະລິດ ແລະ ນໍາໃຊ້ໄດ້, ໃນເບື້ອງຕົ້ນແມ່ນຈະຜະລິດ ປະເພດເຫຼັກເສັ້ນ ຟີ 12, ຟີ 14 ແລະ ຟີ 16 ກ່ອນ; ທີ່ມີກໍາລັງການຜະລິດ ຢູ່ທີ່ 100 ໂຕນ ຕໍ່ມື້. ແລະ ໃນອານາຄົດແມ່ນຈະຂະຫຍາຍໂຮງງານອກເປັນຜະລິດເຫຼັກວົງກົມ, ສີ່ຫຼຽມ ແລະ ເຫຼັກອື່ນໆ ເພື່ອຕອບສະໜອງໃຫ້ສັງຄົມ ແລະ ຂະຫຍາຍ ເສດທະກິດຕະຫຼາດໃຫ້ຫຼາຍຂຶ້ນເລື້ອຍໆ.

  

  

  

   

ຂ່າວ ແລະ ພາບໂດຍ: ປະກາສິດ ທຳມະວົງ 

 

 

Last Updated on Tuesday, 10 July 2018 14:11