ກວດກາ, ກວດສອບ ລົງທະບຽນບໍລິມາດ ລົດບັນທຸກນໍ້າມັນເຊື້ອໄຟ ຢູ່ແຂວງບໍ່ແກ້ວ Print
Written by Administrator   
Monday, 09 July 2018 08:38

ໃນຕອນບາຍຂອງວັນທີ 6 ກໍລະກົດ 2018 ທີ່ຜ່ານມານີ້ ຂະແໜງ ມາດຕະຖານ ແລະ ວັດແທກ (ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ) ໂດຍປະສານສົມທົບກັບ ວິຊາການ ກົມມາດຕະຖານ ແລະ ວັດແທກ (ກະຊວງວິທະຍາສາດ ແລະ ເຕັກໂນໂລຊີ) ໄດ້ລົງເຄື່ອນໄຫວ ຕິດຕາມ, ກວດກາ, ກວດສອບ  ແລະ ລົງທະບຽນບໍລິມາ ລົດບັນທຸກນໍ້າມັນເຊຶື້ອໄຟ ຢູ່ບັນດາສາງເກັບນໍ້າມັນ ຢູ່ພາຍໃນແຂວງບໍ່ແກ້ວ.

ໃຫ້ກຽດເຂົ້າຮ່ວມ ໃນພິທີຄັ້ງນີ້ໂດຍ ທ່ານ ຄອນໄຊ ສະຕິ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ພ້ອມດ້ວຍຄະນະ, ແລະ ວິຊາການທີ່ກ່ຽວຂ້ອງເຂົ້າຮ່ວມ, ໂດຍກຳນົດເອົາສາງເກັບນໍ້າມັນເຊື້ອໄຟ ບໍລິສັດໄດນາມິກ ເປັນສະຖານທີ່ ເປີກພິທີ່ ແລະ ມີຕ່າງໜ້າຂອງບໍລິສັດເຂົ້າຮ່ວມ ແລະ ໃຫ້ຄວາມຮ່ວມມື້ເປັນຢ່າງດີ.

 

ທ່ານ ກອງມີ ສຸດເທດລັດ ຫົວໜ້າ ຂະແໜງ ຊັບສີນທາງປັນຍາ ມາດຕະຖານ ແລະ ວັດແທກ ໄດ້ລາຍງານ ແລະ ກ່າວຈຸດປະສົ່ງຂອງການລົງກວດກາໃນຄັ້ງນີ້ວ່າ: ສຳລັບປີ 2018 ນີ້ ອີງຕາມແຜນການເຄື່ອນໄຫວ ຂອງຂະແໜງ ກໍ່ຄືພະແນກ ແລະ ອີງໃສ່ທິດຊີ້ນໍາຂອງຂັ້ນເທິງ ໃນການຕິດຕາມ, ກວດກາ, ກວດສອບ ແລະ ຊຸກຍູ້ບັນດາຫົວໜ່ວຍທຸລະກິດ ພາຍໃນແຂວງບໍ່ແກ້ວ, ສະເພາະແມ່ນ ການນໍາເຂົ້ານໍ້າມັນເຊື້ອໄຟ ທີ່ນໍາມາໃຊ້ຢູ່ພາຍໃນ, ທີ່ໄດ້ມາພັກເຊົາຢູ່ບັນດາສາງເກັບນໍ້າມັນ ເພື່ອສົ່ງຕໍ່ໃຫ້ບັນດາປໍ້າຈໍ່າໜ່າຍຕ່າງໆ ເພື່ອໃຫ້ການຂົນສົ່ງ ຮັບປະກັນຄວາມຖືກຕ້ອງ ທາງດ້ານເອສານ, ໄດ້ຮັບອໍານວຍຄວາມສະດວກຈາກໜ່ວຍກວດກາ, ລົດບັນທຸກນໍ້າມັນ ຕ້ອງໄດ້ຮັບການຄຸ້ມຄອງ ແລະ ຂຶ້ນທະບຽນ ບໍລິມາດ ໃຫ້ຖືກຕ້ອງຕາມລະບຽບຫຼັກການ, ຈື່ງສາມາດນຳໃຊ້ເຄື່ອນຍ້າຍນໍ້ຳມັນໄດ້.

ການລົງກວດກາ ແລະ ຂຶ້ນທະບຽນ ບໍລິມາດ ລົດບັນທຸກນໍ້າມັນເຊື້ອໄຟຟ້າຄັ້ງນີ້ ເປັນຄັ້ງທຳອິດ ທີ່ທາງພະແນກຂອງພວກເຮົາ ໂດຍປະສານສົມທົບກັບ ກົມມາດຕະຖານ ແລະ ວັດແທກ (ກວຕ) ຈັດຂຶ້ນທີ່ແຂວງບໍ່ແກ້ວ ດ້ວຍໃຊ້ເວລາ 4 ວັນ, ໃນຈໍານວນ 5 ບໍລິສັດ ມີລົດບັນທຸກທັງໝົດ 31 ຄັນ ທີ່ໄດ້ຮັບການກວດກາ; ໃນ 31 ຄັນ ມີປະເພດລົດ 22 ລໍ້, 18 ລໍ້, 12 ລໍ້, 10 ລໍ້ ແລະ 6 ລໍ້; ມີຂະໜາດບັນຈຸ 45,000 ລິດ, 38,000, 30,000, 26,500, 26,000, 24,000, 22,000, 20,000, 16,000 ແລະ 8,000 ລິດ; ເພື່ອຫັນເຂົ້າສູ່ລະບຽບການ ແລະ ອໍານວຍຄວາມສະດວກ, ສະບາຍ ຕໍ່ຜູ້ປະກອບການ ທີ່ໄດ້ຂຶ້ນທະບຽນ ບໍລິມາດລົດ ປະຈໍາຢູ່ກັບທີ່ ດ້ວຍບໍ່ໄດ້ເຄື່ອນຍ້າຍໄປຂຶ້ນທະບຽນ ບໍລິມາດຢູ່ບ່ອນອື່ນ ແລະ ເປັນການປະຍັດງົບປະມານໃນການເຄື່ອນຍ້າຍຕື່ມອີກ. 

  

  

 

ຂ່າວ ແລະ ພາບໂດຍ: ປະກາສິດ ທຳມະວົງ 

 

Last Updated on Tuesday, 10 July 2018 10:05