ພິທີເປີດການກວດສອບກົງເຕີນໍ້າປະປາ ປະຈໍາປີ 2018 Print
Written by Administrator   
Monday, 02 July 2018 09:56

ຕອນເຊົ້າຂອງວັນທີ 2 ກໍລະກົດ 2018 ຂະແໜງ ມາດຕະຖານ ແລະ ວັດແທກ (ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ) ໂດຍປະສານສົມທົບກັບ ລັດວິສາຫະກິດ ນໍ້າປະປາ ສາຂາແຂວງບໍ່ແກ້ວ ໄດ້ຈັດພິທີກວດສອບ ສອບທຽບ ກົງເຕີນໍ້າປະປາປະຈໍາປີ 2018 ຂຶ້ນຢູ່ສະຖານທີ່ ຫ້ອງວ່າການແຂວງບໍ່ແກ້ວ ໃນພິທີມີທ່ານ ໄພວັນ ສອ້ຍທອງ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີ, ທ່ານ ທັດສາຄອນ ຈັນທະສົມບູນ ຮອງຫົວໜ້າ ລັດວິສາຫະກິດ ນໍ້າປະປາ ສາຂາແຂວງບໍ່ແກ້ວ, ມີຕາງໜ້າຫ້ອງວ່າການແຂວງ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມພິທີດັ່ງກ່າວ.

ທ່ານ ກອງມີ ສຸດເທດລັດ ຫົວໜ້າ່ ຂະແໜງ ຊັບສິນທາງປັນຍາ ມາດຕະຖານ ແລະ ການວັດແທກ ໄດ້ກ່າວຈຸດປະສົ່ງຂອງການລົງກວດກາ ກວດສອບ ສອບທຽບ ກົງເຕີນໍ້າປະປາ ໃນຄັ້ງນີ້ວ່າ: ໂດຍປະຕິບັດຕາມແຜນການ, ແຜນງານ ຂະແໜງກໍ່ຄື ພະແນກ ວິທະຍາສາດ ແລະ ເຕັກໂນໂລຊີ ແຂວງ ປະຈໍາປີ 2018  ໄດ້ຮັບການຈັດຕັ້ງປະຕິບັດ ແລະ ຮັບປະກັນຄວາມຖືກຕ້ອງ ແລະ ອໍານວຍຄວາມສະດວກຈາກພາກສ່ວນຕ່າງ, ດ້ວຍສະເພາະ ແມ່ນຫົວໜ່ວຍທຸລະກິດ, ຫ້າງຮ້ານ, ຄົວເຮື່ອນທີ່ຊົມໃຊ້ນໍ້າປະປາ, ເພື່ອເຮັດໃຫ້ການນໍາໃຊ້ນໍ້າເປັນປົກກະຕິ, ຄ່າວັດແທກຂອງກົງເຕີນໍ້າມີຄວາມຖືກຕ້ອງ, ທ່ຽງຕົງ ແລະ ເພື່ອຫຼີກຫຼ່ຽງຫາງສຽງຂອງຜູ້ໃຊ້ນໍ້າ. ເພາະສະນັ້ນທາງຂະແໜງ ວິຊາການ ຂອງພວກເຮົາ, ໄດ້ປະສານສົມທົບກັບ ວິຊາການ ຂອງ ລັດວິສາຫະກິດ ນໍ້າປະປາ ສາຂາແຂວງບໍ່ແກ້ວ ຈື່ງໄດ້ລົງເຄື່ອນໄຫວ ຕິດຕາມ, ກວດກາ, ກວດສອບ ແລະ ສອບທຽບກົງເຕີນໍ້າປະປາ ໃນທົ່ວແຂວງ, ເບື້ອງຕົ້ນຈະກໍານົດເອົາ ຂົງເຂດເມືອງຫ້ວຍຊາຍ ເຊີ່ງເປັນເຂດເທດສະບານຂອງແຂວງ ດ້ວຍຈະໃຊ້ເວລາທັງໝົດ 10 ວັນໃຫ້ສໍາເລັດ ຢູ່ພາຍໃນເທດສະບານແຂວງ ແລະ ຈາກນັ້ນແມ່ນ ຈະສືບຕໍ່ລົງເຄື່ອນໄຫວ ຕິດຕາມ, ກວດກາ, ກວດສອບ ແລະ ສອບທຽບ ຢູ່ບັນດາເມືອງ.

  

 ຂ່າວ ແລະ ພາບໂດຍ: ປະກາສິດ ທຳມະວົງ

 

 

 

Last Updated on Tuesday, 10 July 2018 11:02