ພວຕ ແຂວງບໍ່ແກ້ວ ລະລຶກວັນວິລະກຳແຫກຄຸກ ຂອງທ່ານຜູ້ນໍາ ໄປສູ່ຖານທີ່ໝັ້ນໄດ້ຢ່ງປອດໄພ Print
Written by Administrator   
Wednesday, 30 May 2018 08:16

ຕອນບາຍ ຂອງວັນທີ່ 29 ພຶດສະພາ 2018 ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ເຕົ້າໂຮມ ອ້າຍນ້ອງພະນັກງານຂອງຕົນ ເຂົ້າຮ່ວມ ເຊື່ອມຊຶມ ບັນດາເອກະສານ ສຳຄັນ ເປັນຕົ້ນ ເອກະສານ ລະລຶກເຖິງວັນວິລະກໍາແຫກຄຸກຂອງທ່ານຜູ້ນໍາ ໄປສູ່ຖານທີ່ໝັ້ນໄດ້ຢ່າງປອດໄພ.

ໂດຍການເຂົ້າຮ່ວມ ແລະ ເປັນປະທານຂອງ ທ່ານ ຄອນໄຊ ສະຕິ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ພ້ອມດ້ວຍຄະນະເຂົ້າຮ່ວມ, ແລະ ມີບັນດາຫົວໜ້າຂະແໜງ, ຮອງຂະແໜງ ຕະຫຼອດຮອດ ພະນັກງານ-ລັດຖະກອນພາຍໃນພະແນກ ເຂົ້າຮ່ວມທັງໝົດ 27 ທ່ານ, ຍິງ 8 ທ່ານ.

ໃນໂອກາດດັ່ງກ່າວ ທ່ານ ໄພວັນ ສ້ອຍທອງ ຮອງຫົວໜ້າ ພະແນກ ວິທະຍາສາດ ແລະ ເຕັກນໂລຊີ ແຂວງ ກໍ່ໄດ້ໃຫ້ກຽດຂຶ້ນອ່ານເຊື່ອມຊຶມ ເອກະສານ ວິລະກຳແຫກຄຸກ ໂພນເຄັງ ຂອງທ່ານຜູ້ນໍາ ໄປສູ້ຖານທີ່ໝັ້ນໄດ້ຢ່າງປອດໄພ, ຄືດັ່ງທີ່ພວກເຮົາໄດ້ຮັບຮູ້ກັນແລ້ວວ່າ ຕະຫຼອດໄດ້ຍະ ຂອງການຕໍ່ສູ້ກູ້ຊາດ ຂອງປະຊາຊົນລາວເຮົາ ແມ່ນໄດ້ພົບຄວາມບຳບາກ, ເສຍເລືອດເນື້ອ ເຫື່ອແຮງ ແຕ່ກໍ່ສາມາດຍາດແຍ່ງມາໄດ້ໄຊຊະນະ ແລະ ສາມາດປົດປອຍປະເທດຊາດໃຫ້ເປັນອິດສະຫຼະມາເຖິງທຸກວັນນີ້; ກໍ່ຍ້ອນຄວາມສາມັກຄີ ຂອງປວງຊົນລາວບັນດາເຜົ່າ ແລະ ຍ້ອນຄວາມປີຊາ ສາມາດຂອງທ່ານຜູ້ນໍາລາວ.

ຕໍ່ກັບກັບວິລະກຳແຫກຄຸກຂອງທ່ານຜູ້ນຳ ໄດ້ສອນໃຫ້ເຮົາຮູ້ວ່າ ຄວາມສາມັກຄີເປັນບໍ່ເກີດແຫ່ງຄວາມສຳເລັດ; ເຖິງແມ່ນວ່າໄລຍະດັ່ງກ່າວຈະມີຄວາມ ລຳບາກ ລະອິດ ລະອ້ຽວພຽງໃດກໍ່ຕາມ ແຕ່ດ້ວຍຄວາມພະຍາຍາມ ແລະ ສະຫຼາດສອງໄສ ຈື່ງໄດ້ວາດລ້ອມ ຄົ້ນຂວາຍເອົາ ບັນດາສະລະຫວັດ, ທະຫານ ຂອງຝ່າຍກົງກັນຂ້າມ ມາເປັນຝ່າຍຕົນ ແລະ ວາງແຜນແຫກຄຸກໄດ້ສໍາເລັດ ແລະ ກັບໄປສູ່ຖານທີ່ໝັ້ນໄດ້ຢ່າງປອດໄພ. 

  

ຂ່າວ ແລະ ພາຍໂດຍ: ຂະແໜງ ເຕັກໂນໂລຊີ ຂໍ້ມູນຂ່າວສານ 

 

Last Updated on Wednesday, 30 May 2018 08:56