ພວຕ ແຂວງບໍ່ແກ້ວ ຊົມເຊີຍ ວັນຊັບສິນທາງປັນຍາໂລກ 26 ເມສາ 2018, ຄົບຮອບ 18 ປີ Print
Written by Administrator   
Monday, 30 April 2018 13:55

 

    ຂະແໜງ ຊັບສິນທາງປັນຍາ, ກໍ່ຄື ພະແນກ ວິທະຍາສາດ ແລະ ເຕັກໂນໂລຊີ (ພວຕ) ໄດ້ຈັດພິທີໂຮມຊຸມນຸມ ສະເຫຼີມສະຫຼອງວັນຊັບສິນທາງປັນຍາໂລກ ພາຍໃຕ້ຄຳຂວັນ “ແມ່ຍິງສ້າງນະວັດຕະກຳ ແລະ ປະດິດຄິດແຕ່ງ: ເປັນ ພະລັງແຫ່ງການປ່ຽນແປງ” ຫຼື ພາສາອັງກິດວ່າ: “Powering change: Women in innovation and creativity” ຂຶ້ນໃນຕອນແລງຂອງວັນທີ 26 ເມສາ 2018 ທີ່ຫ້ອງປະຊຸມພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໂດຍໃຫ້ ກຽດເປັນປະທານຂອງ ທ່ານ ຄອນໄຊ ສະຕິ, ຫົວໜ້າພະແນກ ພິທະຍາສາດ ແລະ ເຕັກໂນໂລຊີແຂວງ ບໍ່ແກ້ວ.

ເຂົ້າຮ່ວມພິທີດັ່ງກ່າວ ມີ ຫົວໜ້າພະແນກ, ຮອງຫົວໜ້າພະແນກ, ຫົວໜ້າຂະແໜງ,  ຮອງຫົວໜ້າຂະແໜງ ແລະ ພະນັກງານ-ວິຊາການ ພາຍໃນພະແນກ ວິທະຍາສາດ ແລະ ເຕັກໂນໂລຊີ ເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວ ທ່ານ ໄພວັນ ສ້ອຍທອງ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີແຂວງ ໄດ້ໃຫ້ກຽດ ກ່າວຄໍາປາໄສ ເນື້ອໃນຈິດໃຈຂອງ ວັນສະເຫຼີມສະຫຼອງ ວັນຊັບສິນທາງປັນຍາໂລກ ໂດຍຕິດພັນກັບ ວຽກງານ ທີ່ພວມຈັດຕັ້ງປະຕິບັດຢູ່ ແຂວງຂອງພວກເຮົາ: ໃນທ່າມກາງບັນຍາກາດ ທີ່ທົ່ວພັກ ທົ່ວປວງຊົນລາວ ບັນດາເຜົ່າ ພວມອອກແຮງງານ ແຂ່ງຂັນ ສືບຕໍ່ຈັດຕັ້ງປະຕິບັດມະຕິກອງປະຊຸມ ໃຫຍ່ຄັ້ງທີ x ຂອງພັກ ແລະ ແຜນພັດທະນາ ເສດຖະກິດ-ສັງຄົມ ແລະ ວັດທະນະທຳ 5 ປີ ຄັ້ງທີ 8, ສະເຫຼີມສະຫຼອງວັນສ້າງຕັ້ງແຂວງບໍ່ແກ້ວຄົບຮອບ 35 ປີ ແລະ ຈັດງານປີທ່ອງທ່ຽວລາວ 2018 ໃນການຊຸກຍູ້ຂະບວນການ ພັດທະນາ ແລະ ການສົ່ງເສີມການທ່ອງທ່ຽວລາວ ທີ່ຕິດພັນກັບຂະແໜງການຕ່າງໆ ເປັນຕົ້ນ ວັດທະນະທຳ, ຫັດຖະກຳ, ອຸດສາຫະກຳ, ການຄ້າ, ສາທາລະນະສຸກ, ທຸລະກິດຂະໜາດນ້ອຍ ແລະ ຂະໜາດກາງໃຫ້ມີການພັດທະນາດີຂື້ນເລື້ອຍໆ ຊື່ງທັງໝົດທີ່ກ່າວມານີ້ ແມ່ນຕິດພັນກັບວຍກງານຊັບສິນທາງປັນຍາ; ມື້ນີ້ ພວກເຮົາໄດ້ຈັດພິທີ ສະເຫຼີມສະຫຼອງວັນຊັບສິນທາງປັນຍາ ນັກປະດິດສ້າງ, ນັກປະດິດແຕ່ງ, ນັກທຸລະກິດ, ຜູ້ປະກອບການ ແລະ ຕະຫຼອດຮອດພະນັກງານ-ລັດຖະກອນ ພາໃນໄດ້ພ້ອມກັນຈັດພິທີໃນມື້ນີ້ຂື້ນ ພາຍໃຕ້ຄຳຂວັນ "ເສີມສ້າງຊັບສິນທາງປັນຍາ ເພື່ອພັດທະນາເສດຖະກິດ-ສັງຄົມ ແລະ ວັດທະນາທຳ ແບບຍືນຍົງ" .

ໂອກາດນີ້, ທ່ານໄພວັນ ສ້ອຍທອງຮອງຫົວໜ້າພະແນກ ວຕ ແຂວງ ບໍ່ແກ້ວ ໄດ້ກ່າວໃນພິທີວ່າ: ຂ້າພະເຈົ້າເຊື່ອໝັ້ນວ່າ ພິທີສະເຫຼີມສະຫຼອງ ວັນຊັບສິນທາງປັນຍາ 2018 ຄັ້ງນີ້ ຈະເປັນເວທີອັນສຳຄັນ ເພື່ອຊຸກຍູ້ສົ່ງເສີມວຽກງານ ຊັບສິນທາງປັນຍາ ຂອງແຂວງເຮົາ ໃນການພັດທະນາ ເສດຖະກິດ-ສັງຄົມ ແລະ ວັດທະນະທຳ ເພື່ອຫັນແຂວງເຮົາໃຫ້ເປັນອຸດສາຫະກຳ ແລະ ທັນສະໄໝເທື່ອລະກ້າວ ເພື່ອແກ້ໄຂ ແລະ ຫຼຸດຜ່ອນຄວາມທຸກຍາກ ຂອງປະຊາຊົນບັນດາເຜົ່າ.

 

  

ພາບ ແລະ ຂ່າວໂດຍ: ຂະແໜງ ເຕັກໂນໂລຊີ ຂໍ້ມູນຂ່າວສານ


 

Last Updated on Monday, 07 May 2018 14:07