|
ຂະແໜງ ເຕັກໂນໂລຊີ ຂໍ້ມູນຂ່າວສານ ພ້ອມດ້ວຍຄະນະ ລົງເຄື່ອນໄຫວ ວຽກງານການຄຸ້ມຄອງ ກວດກາ, ກວດສອບ ແລະ ສອບທຽບ ຜະລິດຕະພັນສິນຄ້າ ທີ່ລະເມີດລິຂະສິດ, ຊັບສິນອຸດສາຫະກຳ ແລະ ລອກຮຽນແບບ ເຄື່ອງໝາຍການຄ້າ |
 |
 |
 |
|
Written by Administrator
|
|
Friday, 25 August 2017 15:51 |
|
ເພື່ອເປັນການຕິດຕາມ ຊຸ້ກຍູ້ ແລະ ຮັບປະກັນມາດຕະຖານ ແລະ ຄຸນນະພາບ ການນໍາເຂົ້າ ຈໍາໜ່າຍ ແລະ ບໍລິການ ເຄື່ອງໃຊ້ໄຟຟ້າ ເອເລັກໂຕຣນິກ ຄອມພິວເຕີ ໂທລະສັບມືຖື, ຕູ້ ATM ເພື່ອຢັ້ງຢືນການນຳເຂົ້າເຄື່ອງເອເລັກໂຕຣນິກທີ່ໄດ້ຄຸນນະພາບ ໃນທົ່ວແຂວງບໍ່ແກ້ວ
ໃນລະຫວ່າງວັນທີ 9-11 ສິງຫາ 2017 ທີ່ຜ່ານມາ, ທາງ ຂະແໜງ ເຕັກໂນໂລຊີ ຂໍ້ມູນຂ່າວສານ(ພວຕ) ນໍາພາໂດຍ ທ່ານ ໄພວັນ ສ້ອຍທອງ ຮອງຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ຄະນະຜູ້ຊີ້ນໍາວຽກງານດັ່ງກ່າວ ພ້ອມດ້ວຍວິຊາການ ຂະແໜງ ເຕັກໂນໂລຊີ ຂໍ້ມູນຂ່າວສານ ເຄື່ອນໄຫວ ລົງຕິດຕາມ ວຽກງານການຄຸ້ມຄອງ ກວດກາ, ກວດສອບ ແລະ ສອບທຽບ ຜະລິດຕະພັນສິນຄ້າ ທີ່ລະເມີດລິຂະສິດ, ຊັບສິນອຸດສາຫະກຳ ແລະ ລອກຮຽນແບບ ເຄື່ອງໝາຍການຄ້າ ທີ່ນຳເຂົ້າມາຊົມໃຊ້ຢູ່ພາຍໃນ ແລະ ສົ່ງອອກ ໃຫ້ຖືກຕ້ອງຕາມມາດຕະຖານແຫ່ງຊາດລາວ ແລະ ມາດຕະຖານສາກົນ(ISO) ໂດຍເບື້ອງຕົ້ນແມ່ນ ລົງກວດສອບ ບັນດາບໍລິສັດ ຫ້າງຮ້ານ ຢູ່ໃນເຂດເທດສະບານ ເມືອງຫ້ວຍຊາຍ ແຂວງບໍ່ແກ້ວ.
ໃນການລົງຕິດຕາມ ກວດສອບ-ສອບທຽບໃນຄັ້ງນີ້ ດ້ວຍຖືເອົາ ມາດຕະຖານ ແລະ ຄຸນນະພາບທາງດ້ານການນຳເຂົ້າ ຜະລິດຕະພັນສິນຄ້າ ທີ່ລະເມີດລິຂະສິດ, ຊັບສິນອຸດສາຫະກຳ ແລະ ລອກຮຽນແບບ ເຄື່ອງໝາຍການຄ້າເປັນກົກ ເພື່ອເປັນການຊຸກຍູ້ ແລະ ປົກປ້ອງຫົວໜ່ວຍທຸລະກິດຢູ່ພາຍໃນ ໃຫ້ຂະຫຍາຍຕົວຢ່າງຕໍ່ເນື່ອງ ໄປຕາມແຜນພັດທະນາເສດຖະກິດ-ສັງຄົມໃນຍຸກປະຈຸບັນ. ເພື່ອສ້າງ ຄວາມໂປ່ງໃສ, ຄວາມຍຸດຕິທໍາ ໃຫ້ແກ່ສັງຄົມຜູ້ທີ່ຊົມໃຊ້ ໃຫ້ໄດ້ໃຊ້ ພະລິດຕະພັນສິນຄ້າທີ່ໄດ້ຄຸນນະພາບ, ໄດ້ມາດຕະຖານ ແຫ່ງຊາດ ແລະ ສາກົນ ແລະ ສ້າງຄວາມເຊື້ອໝັ້ນ ລະຫວ່າງຜູ້ປະ ກອບ ການ ແລະ ລູກຄ້າ.
 
 
ພາບ ແລະ ຂ່າວໂດຍ: ຂະແໜງ ເຕັກໂນໂລຊີ ຂໍ້ມູນຂ່າວສານ |
|
Last Updated on Monday, 28 August 2017 11:19 |
