ຫົວຂໍ້ຂ່າວ​:​ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ໄດ້ເປີດບັ້ນດຳເນີນຂໍ້ແຂ່ງຂັນ 2 ດີ 5 ເປັນເຈົ້າ ຂອງກຳມະບານຮາກຖານ ພວຕ.

          ກອງປະຊຸມໄດ້ດຳເນີນ ໃນຕອນແລງຂອງວັນທີ 30 ມັງກອນ 2014 ຢູ່ທີ່ຫ້ອງປະຊຸມຂອງ ພວຕ ໂດຍການເປັນປະທານແມ່ນ ທ່ານ ລັງກາ ສິລິປັນ ຮອງປະທານກຳມະບານ ແຂວງບໍ່ແກ້ວ ແລະ ພະນັກງານພາຍໃນພະແນກເຂົ້າຮ່ວມຈຳນວນ 20 ສະຫາຍ, ຍິງ 4 ສະຫາຍ. ພາຍໃນກອງປະຊຸມໄດ້ດຳເນີນໄປດ້ວຍບັນຍາກາດອັນຟົດຟືນ ແລະ ມີຄວາມໝາຍຍິງ, ເພື່ອເຮັດໃຫ້ຂໍ້ແຂ່ງຂັນ 2 ດີ 5 ເປັນເຈົ້ານຳໄປປະຕິບັດໃຫ້ເກີດຜົນນັ້ນ ທ່ານ ຄຳເຊື່ອນ ສີສະເດດ ຮອງຫົວໜ້າ ພວຕ ແລະ ທັງເປັນປະທານກຳມະບານຮາກຖານ ພວຕ ໄດ້ຂຶ້ນອ່ານຜ່ານບົດສະຫຼຸບ ແລະ ທິດທາງແຜ່ນການ ທີ່ຈະປະຕິບັດໃນຕໍ່ໜ້າໃຫ້ສອດຄ່ອງກັບຂໍ້ແຂ່ງຂັນ 2 ດີ 5 ເປັນເຈົ້າ. ໃນນັ້ນບົດສະຫຼຸບຍັງໄດ້ເວົ້າເຖິງຜົນງານທີ່ຮາກຖານກຳມະບານຍາດມາໄດ້ ແລະ ຂໍ້ຄົງຄ້າງທີ່ຈະຕ້ອງໄດ້ສຶບຕໍ່ປະຕິບັດ.

          ໃນສົກປີ 2012 – 2013 ນີ້ຮາກຖານກຳມະບານ ພວຕ ກໍ່ຍາດແຍ່ງໄດ້ຜົນງານເຊິ່ງສະແດງອອກ ໜ່ວຍຮາກຖານກຳມະບານ ໄດ້ຮັບໃບຍ້ອງຍໍ ຂັ້ນສູນກາງກຳມະບານ 1 ໃບ, ສະມາຊິກກຳມະບານ ໄດ້ຮັບໃບຍ້ອງຍໍຂັ້ນສູນກາງກຳມະບານ 11 ສະຫາຍ, ຍິງ 1 ສະຫາຍ, ສະມາຊິກກຳມະບານໄດ້ຮັບໃບຊົມເຊີຍຂັ້ນສູນກາງ 8 ສະຫາຍ, ຍິງ 3 ສະຫາຍ.

          ເພື່ອເຮັດໃຫ້ຂໍ້ແຂ່ງຂັນ 2 ດີ 5 ເປັນເຈົ້າຂອງຮາກຖານກຳມະບານ ພວຕ ໄດ້ຮັບການປະຕິບັດຕາມເປົ້າໝາຍ ແລະ ປະກົດຜົນເປັນຈິງ ທ່ານ ລັງກາ ສີລິປັນຍາ ຮອງປະທານກຳມະບານ ແຂວງບໍ່ແກ້ວ. ກໍ່ໄດ້ໃຫ້ກຽດໂອ້ລົມ ແລະ ໃຫ້ທິດທາງຕໍ່ສະມາຊິກກຳມະບານ ພວຕ ໃນການປະຕິບັດຂໍ້ແຂ່ງຂັ້ນດັ່ງກ່າວ ແລະ ທານຍັງໄດ້ເນັ້ນໜັກຕໍ່ກັບການເຄື່ອນໄຫວຕາມພາລະບົດບາດ, ກົດລະບຽບ ແລະ ກົດໝາຍຂອງກຳມະບານວາງອອກ, ເພື່ອນຳໄປຈັດຕັ້ງປະຕິບັດໃນຕໍ່ໜ້າ.

          ເພື່ອເຮັດໃຫ້ຄຳໂອ້ລົມຂອງທ່ານມີຄວາມໝາຍ ແລະ ຄວາມສຳຄັນ, ສະຫາຍ ຄຳສຸກ ອານັນລັດ ຮອງ ປະທານຮາກຖານກຳມະບານ ພວຕ ໄດ້ຕາງໜ້າສະມາຊິກກຳມະບານ ຂຶ້ນກ່າວຮັບເອົາຄຳໂອ້ວາດ ຈາກ ຮອງປະທານກຳມະບານ ແລະ ປະຕິຍານຕໍ່ທ່ານ ແລະ ວ່າຈະນຳເອົາຄຳເວົ້າທີ່ເປັນຜົນປະໂຫຍດນັ້ນໄປຈັດຕັ້ງໜ້າປະຕິບັດ ຕາມພາລະບົດບາດ, ກົດລະບຽບ ແລະ ກົດໝາຍ ກຳມະບານວາງອອກຢ່າງເຂັ້ມງວດ ເພື່ໃຫ້ໄດຮັບຜົນ ແລະ ກາຍເປັນໜ່ວຍຮາກຖານກຳມະບານທີ່ເຂັ້ມແຂງ.