ຂະແໜງ ມາດຕະຖານ ແລະ ວັດແທກ (ພວຕ) ແຂວງບໍ່ແກ້ວ ລົງຕິດຕາມ, ກວດກາ, ກວດສອບ-ສອບທຽບ ກົງເຕີໄຟຟ້າ ໃນທົ່ວແຂວງບໍ່ແກ້ວ.

ຕອນບາຍຂອງວັນທີ 18 ກຸມພາ 2019 ຂະແໜງ ມາດຕະຖານ ແລະ ວັດແທກ (ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ) ໄດ້ຈັດພິທີ ການລົງຕິດຕາມ, ກວດກາ, ກວດສອບ-ສອບທຽບ ກົງເຕີໄຟຟ້າ ໃນທົ່ວແຂວງບໍ່ແກ້ວ. ດ້ວຍເລີມຈາກຈຸດຫ້ອງການປົກຄອງແຂວງບໍ່ແກ້ວ, ເຂົ້າຮ່ວມພິທທີ ມີ ທ່ານ ຄອນໄຊ ສະຕິ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ, ພ້ອມດ້ວຍຄະນະ, ມີຕ່າງໜ້າ ຫ້ອງວ່າການ, ຂະແໜງມາດຕະຖານ ວັດແທກ, ວິຊາການ ຈາກລັດວິສາຫະກິດໄຟຟ້າ ສາຂາແຂວງບໍ່ແກ້ວ ແລະ ວິຊາການທີ່ກ່ຽວຂ້ອງເຂົ້າ.

ໃນພິທີດັ່ງກ່າວໄດ້ຖືເອົາຈຸດຫ້ອງການປົກຄອງແຂວງ ເປັນຈຸດເລີ້ມຕົ້ນ ໃນການກວດສອບ-ສອບທຽບ ຊອກຫາຄ່າຜິດດ່ຽງຂອງການໃຊ້ງານເພື່ອດັດປັບໃຫ້ມັນຖືກຕ້ອງຕາມເຕັກນິກ ມາດຕະຖານແຫ່ງຊາດ ແລະ ມາດຕະຖານສາກົນ (ISO) ທີ່ວາງໄວ້, ທັງນີ້ກໍ່ເພື່ອປົກປ້ອງຜົນປະໂຫຍດອັນຊອບທໍາ ຂອງຜູ້ໃຫ້ບໍລິການ ແລະ ຜູ້ໃຊ້ບໍລິການ ໃຫ້ມີຄວາມເປັນເອກະພາບ ບໍເອົາລັດເອົາປຽບກັນ ປາສະຈາກຫາງສຽງຂອງສັງຄົມ, ໃນການລົງຕິດຕາມ, ກວດກາ, ກວດສອບ-ສອບທຽບ ກົງເຕີໄຟຟ້າ ໃນທົ່ວແຂວງບໍ່ແກ້ວ ຄາດວ່າຈະໃຊ້ເວລາ 1 ເດືອນຈື່ງສໍາເລັດ.

ຂ່າວ ແລະ ພາບໂດຍ: ປະກາສິດ ທໍາມະວົງ