ວັນທີ 13 - 14 ກຸມພາ 2018 ທີ່ຜ່ານມານີ້ ທ່ານ ບູນຕີ ທະມິດ ຮອງລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະທີມງານ ກົມມາດຕະຖານ ແລະ ການວັດແທກ ໄດ້ລົງມາຢ້ຽມຢາມ ແລະ ຊູກຍູ້ວຽກງານ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ.

ວັນທີ່ 11 ມັງກອນ 2018 ທີ່ຜ່ານມານີ້ ພະແນກວິທະຍາສາດ ແລະເຕັກໂນໂລຊີ ແຂວງບໍ່ແກ້ວ ໄດ້ຈັດພິທີ ມອບບັດສະມາຊິກພັກຊຸດທີ 2 ຂຶ້ນ

            ໂດຍການເປັນປະທານຂອງ ສະຫາຍ ຄອນໄຊ ສະຕິ ເລຂາໜ່ວຍພັກ ພວຕ. ເຂົ້າຮ່ວມໂດຍ ສະຫາຍ ສົມບູນ ໄຊສາມາດ ຕາງໜ້າຄະນະຈັດຕັ້ງແຂວງ ແລະ ຕາງໜ້າຄະນະກວດກາພັກ-ລັດແຂວງເຂົ້າຮ່ວມ.

            ການມອບບັດຄັ້ງນີ້ແມ່ນປະຕິບັດຕາມຂໍ້ຕົກລົງວ່າດ້ວຍການມອບບັດໃຫ້ຊະມາຊິກພັກສົມບູນ ເພື່ອເປັນການຢັ້ງຢືນຜົນງານ ແລະ ຄຸນງາມຄວາມດີ ຂອງບັນດາສະຫາຍພະນັກງານ-ສະມາຊິກພັກ ທີ່ມີຜົນງານດີເດັ່ນໃນການເຄື່ອນໄຫວປະຕິບັດໜ້າທີ່ການເມືອງຂອງວຽກງານດ້ານຕ່າງໆ ທັງເປັນການປັບປຸງຄຸນນະພາບຂອງສະມາຊິກພັກ ແນໃສ່ຍົກສູງບົດບາດຂອງການນຳພາຂອງພັກ ແລະ ສະຖານະຄຸນທາດການເມືອງຄຸນສົມບັດ ສິນທຳປະຕິວັດ ທັງເປັນການຄຸມຄອງຄງາມໂປ່ງໃສຂອງຖັນແຖວພະນັກງານສະມາຊິກພັກ ໃຫ້ສູງຂື້ນ.